ઘણા સમયથી ચાલી રહેલી કોન્ટ્રોવર્સીમાં છવાયેલા ઠગ સુકેશ ચંદ્રશેખરના મની લોન્ડ્રીંગ કેસમાં નવો ખુલાસો થયો છે. નોરા અને જેકલીન સિવાય અન્ય એક્ટ્રેસના નામનો ખુલાસો પણ થયો છે.
સુકેશ ચંદ્રશેખરે કર્યા ચોંકાવનારા ખુલાસા
શ્રદ્ધા-શિલ્પાનું નામ આવ્યું સામે
જેકલિન નોરા પહેલાથી જ વિવાદમાં
શ્રદ્ધા-શિલ્પા સાથે કનેક્શન
EDની પૂછપરછમાં સુકેશે શ્રદ્ધા અને શિલ્પા સાથે પણ પોતાનું કનેક્શન હોવાની વાત કબૂલી છે. તેણે કહ્યું કે તે શ્રદ્ધાને 2015થી ઓળખે છે. તેણે NCBના કેસમાં શ્રદ્ધાની મદદ પણ કરી હતી. સુશાંત કેસમાં પણ શ્રદ્ધા ડ્રગ કેસમાં ફસાઇ હતી અને તેને પૂછપરછ માટે બોલાવવામાં આવી હતી.
શિલ્પા સાથે શું છે કનેક્શન?
સુકેશે દાવો કર્યો કે તે એક્ટર હરમન બાવેજાને ઓળખે છે અને તેનો જૂનો મિત્ર છે. તે હરમનની આવનારી ફિલ્મ કેપ્ટનને કો પ્રોડ્યુસ કરવાનો હતો. કેપ્ટન મૂવીમાં કાર્તિક આર્યન લીડ રોલમાં છે અને શિલ્પાનો સંપર્ક તેણે રાજ કુન્દ્રા કેસ માટે કર્યો હતો. તમને જણાવી દઇએ કે આ વર્ષે જ કુન્દ્રાને પોર્નોગ્રાફીમાં જેલ થઇ હતી.
પૂછપરછમાં સુકેશે જણાવ્યું કે શિલ્પા મારી મિત્ર છે અને રાજ કુન્દ્રાના જામિન માટે મેં તેનો સંપર્ક કર્યો હતો. સુકેશના આ ખુલાસા બાદ શિલ્પા શેટ્ટી, શ્રદ્ધા કપૂર, હરમન બાવેજા વેગેરે EDની રડારમાં આવી ગયા છે.
જેકલિન-નોરા પર સંકટ
સુકેશ કેસને લઇને જેકલિન અને નોરા પહેલાથી જ વિવાદમાં છે. જેકલિન અને નોરા પર આરોપ છે કે તેમણે સુકેશ પાસેથી મોંઘી ભેટ લીધી છે. જેકલિન સાથે સુકેશની વાયરલ તસવીરો બાદ એક્ટ્રેસે ખુલાસો કર્યો કે તેણે ક્યારેય સુકેશને ડેટ કર્યો નથી અને અફેરની વાતો પણ ખોટી છે.