મહાઠગ સુકેશ ચંદ્રશેખરે જેલથી એક લેટર લખીને દાવો કર્યો છે કે CM કેજરીવાલે સરકારી બંગલા માટે મોટાપાયે મોંઘી વસ્તુઓની ખરીદી કરી હતી. રાલ્ફ લોરેન, વિજનેયર જેવી કંપનીઓનાં સામાન લાખો રૂપિયામાં ખરીદ્યા હતાં.
મહાઠગ સુકેશ ચંદ્રશેખરે જેલથી LGને લખ્યો એક લેટર
CM કેજરીવાલ પર લગાવ્યાં અનેક આરોપ
કહ્યું સરકારી બંગલા માટે લાખો રૂપિયાની વસ્તુઓની કરી હતી ખરીદી
મહાઠગ સુકેશ ચંદ્રશેખરે મંડોલી જેલથી દિલ્હી LGને પત્ર લખ્યો છે. સુકેશ ચંદ્રશેખરે CM કેજરીવાલનાં સરકારી આવાસમાં શણગારનાં સામાનની તપાસ કરવાની માંગ કરી છે. સુકેશે દાવો કર્યો છે કે CM કેજરીવાલે મોટી સંખ્યામાં મોંઘી વસ્તુઓ ખરીદી હતી. આરોપ છે કે CM હાઉસ માટે કેજરીવાલે રાલ્ફ લોરેન, વિજનેયર જેવી કંપનીઓનાં સામાન લાખો રૂપિયામાં ખરીદ્યાં હતાં.
90 લાખની કિંમતનો ચાંદીનો ક્રોકરી સેટ
આ સિવાય કેજરીવાલ પર એક દક્ષિણ ભારતીય વેપારી પાસેથી ચાંદીની ક્રોકરીનો સેટ 90 લાખ રૂપિયામાં ખરીદ્યાનો આરોપ પણ સુકેશે મુક્યો છે. સુકેશે દાવો કર્યો છે કે રિનોવેશન માટે CM અરવિંદ કેજરીવાલે પોતે સુકેશ પાસે મોંઘા ફર્નિચર અને બેડ ખરીદ્યાં હતાં.
વોટ્સએપ પર ફોટોઝ જોઈ કર્યો ઓર્ડર
સુકેશે કહ્યું કે કેજરીવાલ અને સત્યેંદ્ર જૈન દ્વારા વ્યક્તિગત રૂપે ફર્નિચરનું સિલેક્શ ફોટોઝનાં આધારે કર્યું હતું જે મેં જ કેજરીવાલ અને સત્યેન્દ્રને વોટ્સએપ અને ફેસટાઈમ ચેટ પર મોકલ્યાં હતાં. લેટરમાં કહેવામાં આવ્યું છે કે 15 પ્લેટ અને 20 ચાંદીનાં ગ્લાસ, કેટલીક મૂર્તિઓ અને બાઉલ, ચાંદીની ચમચી વગેરે સરકારી બંગલા પર પહોંચાડવામાં આવ્યું હતું.
45 લાખનું ડાયનિંગ ટેબલ
સુકેશે લેટરમાં લખ્યું કે CM કેજરીવાલને મેં પોતે ફર્નીચર મોકલાવ્યું છે. જેતૂનનાં લીલા રંગનાં પથ્થરથી બનેલ 12 સીટર ડાયનિંગ જેની કિંમત 45 લાખ હતી. આરોપો અનુસાર કેજરીવાલે પોતાના બેડરૂમ અને બાળકોનાં બેડરૂમ માટે 34 લાખનાં ડ્રેસિંગ ટેબલની ખરીદી કરી હતી. લેટરમાં લખેલું છે કે કેજરીવાલે પોતાના ઘરમાં 18 લાખ રૂપિયાનાં 7 અરીસા ખરીદ્યાં હતાં.