જો તમે પણ એક દીકરીના પિતા છો તો હવે તેના ભવિષ્યની ચિંતા કરવાની જરૂર નથી, કારણ કે અમે તમને એવી યોજના વિશે જણાવીશું, જેનાથી તમે તમારી દીકરીને લખપતિ બનાવી શકો છો.
દીકરીના ભવિષ્યને સુરક્ષિત કરવા માટે બેસ્ટ છે આ યોજના
બેન્ક કે પોસ્ટ ઓફિસમાં દીકરીના નામે ખાતું ખોલાવી શકો છો
સુકન્યા સમૃદ્ધિ યોજનાનો આજે જ લો લાભ
સરકારે દેશની દીકરીઓ માટે સુકન્યા સમૃદ્ધિ યોજના શરૂ કરી છે. જો તમે પણ તમારી દીકરીના ભવિષ્ય માટે પૈસા જમા કરવા માંગો છો તો તમને જણાવી દઈએ કે તમે દરરોજ 131 રૂપિયા બચાવીને તમારી દીકરીને લખપતિ બનાવી શકો છો.
સુકન્યા સમૃદ્ધિ યોજના શું છે?
આ દિકરીઓનું ભવિષ્ય સુધારવા માટે સરકારની એક બેસ્ટ સ્કીમ છે. 10 વર્ષ સુધીની દિકરીનું સુકન્યા સમૃદ્ધિ યોજનામાં એકાઉન્ટ ખોલાવી શકાય છે. તેમાં મિનિમમ 250 રૂપિયા અને મહત્તમ 1.5 લાખ રૂપિયા વાર્ષિક જમા કરાવી શકાય છે. આ સ્કીમ ત્યારે મેચ્યોર થશે જ્યારે દિકરી 21 વર્ષની થઇ જશે. જોકે, આ સ્કીમમાં તમારું રોકાણ ત્યાં સુધી લોક થઇ જશે જ્યા સુધી દિકરી 18 વર્ષની ન થઇ જાય. 18 વર્ષ બાદ પણ તે આ સ્કીમમાંથી કુલ રકમના 50 ટકા હિસ્સો ઉપાડી શકે છે. જેનો ઉપયોગ ગ્રેજ્યુએશન અથવા આગળના અભ્યાસ માટે કરી શકે છે. તે બાદ તમામ રૂપિયા ત્યારે જ ઉપાડી શકાશે જ્યારે તમારી દીકરી 21 વર્ષની થશે.
15 વર્ષ સુધી જ પૈસા જમા થાય છે
આ સ્કીમની સારી વાત એ છે કે તમારે પૂરા 21 વર્ષ સુધી પૈસા જમા નથી કરવાના, એકાઉન્ટ ખોલવાથી લઈને 15 વર્ષ સુધી જ પૈસા જમા કરી શકાય છે. જ્યારે દીકરી 21 વર્ષની થાય ત્યાં સુધી આ પૈસા પર વ્યાજ મળતું રહેશે. હાલ તેના પર સરકાર વાર્ષિક 7.6 ટકા વ્યાજ આપી રહી છે. આ સ્કીમ ઘરની બે દિકરીઓ માટે ખોલી શકાય છે.
જાણો કઈ રીતે મળશે 20 લાખ રૂપિયા
ઉદાહરણ તરીકે માની લો કે, તમે 2021માં રોકાણ શરૂ કર્યું ત્યારે તમારી દીકરીની ઉંમર 1 વર્ષની છે. હવે જો તમે રોજ 131 રૂપિયા બચાવો તો મહિનાના 3630 રૂપિયા થાય. 3930 રૂપિયા દર મહિને જમા કર્યા તો વર્ષમાં 47160 રૂપિયા થયા. તમે આ રોકાણ ફક્ત 15 વર્ષ સુધી કરશો, તો કુલ રોકાણ 7,07,400 રૂપિયા થશે. 7.6 ટકા વાર્ષિક વ્યાજના હિસાબે તમને કુલ વ્યાજ12,93,805 રૂપિયા મળશે. 2042માં જ્યારે દીકરી 21 વર્ષની થશે તો સ્કીમ મેચ્યોર થશે, તે સમયે કુલ મેચ્યોરિટી એમાઉન્ટ 20,01,205 રૂપિયા થશે. આ રીતે તમે તમારી દીકરીનું ભવિષ્ય સુરક્ષિત કરી શકો છો.