મોટો બદલાવ / પાર્ટીમાં નાસભાગ થતા ભાજપ ટેન્શનમાં, બંગાળ પ્રદેશાધ્યક્ષને બદલી નાખ્યા, આ નેતાની કરી વરણી

• જેપી નડ્ડાએ બંગાળ ભાજપ અધ્યક્ષ તરીકે સુકાંતા મજુમદારને નિયુક્ત કર્યાં
• હાલના પ્રદેશાધ્યક્ષ દિલિપ ઘોષને રાષ્ટ્રીય ઉપાધ્યક્ષ બનાવ્યા
• પૂર્વ કેન્દ્રીય મંત્રી બાબુલ સુપ્રિયો ટીએમસીમાં જોડાતા ભાજપનું વધ્યું ટેન્શન 

હાલના પ્રદેશાધ્યક્ષ દિલિપ ઘોષને પાર્ટીના રાષ્ટ્રીય ઉપાધ્યક્ષ બનાવાયા છે. ભાજપે આ પગલું એવે સમયે ભર્યં છે કે તાજેતરમાં પૂર્વ કેન્દ્રીય મંત્રી બાબુલ સુપ્રિયો ટીએમસીમાં જોડાયા છે. 

ઉત્તરાખંડ઼ના રાજ્યપાલ પદેથી રાજીનામું આપનાર બેબી રાણી મોર્યને રાષ્ટ્રીય ઉપાધ્યક્ષ બનાવાયા 

તે ઉપરાંત ઉત્તરાખંડ઼ના રાજ્યપાલ પદેથી રાજીનામું આપનાર બેબી રાણી મોર્યને રાષ્ટ્રીય ઉપાધ્યક્ષ નિયુક્ત કર્યાં છે. મોર્યના રાજીનામા બાદ એવી અટકળો ચાલી રહી હતી આગામી યુપી વિધાનસભાની ચૂંટણીમાં ભાજપમાં કોઈ મોટી જવાબદારી આપી શકાય છે. 

10 ધારાસભ્યો TMC માં જોડાવા તૈયાર, મમતાના મંત્રીનો મોટો દાવો 

સીએમ મમતા બેનરજી સરકારમાં ઉદ્યોગ મંત્રી અને ટીએમસી મહાસચિવ પાર્થ ચેટરજીએ દાવો કર્યો છે કે  10 ધારાસભ્યો ટૂંક સમયમાં ભાજપ છોડીને ટીએમસીમાં જોડાઈ જશે. 

પાર્થ ચેટરજીએ જણાવ્યું કે ભાજપને વધુ 10 ધારાસભ્યો ગુમાવવાનો ડર છે. ભાજપ નેતા શુભેન્દુ અધિકારી ફક્ત ટ્વિટ કરી રહ્યાં છે. તેમણે મેદાનમાં ઉતરવું જોઈએ.