પશ્ચિમ બંગાળમાં આવતા વર્ષ યોજોનારા વિધાનસભા ચૂંટણી પહેલા રાજ્યમાં રાજકીય ગરમાવો જોવા મળી રહ્યો છે. રાજ્યમાં એક પક્ષમાંથી બીજા પક્ષમાં જોડવાની જાણે હાલ મૌસમ જોવા મળી રહ્યો છે. જેમાં ભાજપના સાંસદ સૌમિત્ર ખાનની પત્ની સુજાતા મંડળ ખાન સોમવારના રોજ તૃણમુલ કોંગ્રેસ (TMC)માં સામેલ થયા છે. ઉલ્લેખનીય છે કે હાલમાં જે સુવેંદુ અધિકારી TMC છોડી ભાજપમાં સામેલ થયા છે.
પશ્ચિમ બંગાળના ભાજપ સાંસદની પત્ની TMCમાં સામેલ
બિશુનપુર બેઠકના સાંસદ સૌમિત્ર ખાનની પત્ની છે સુજાતા
ભાજપમાં ન મળ્યું સન્માન, મમતા સૌથી વધુ પોપ્યુલર નેતા
પશ્ચિમ બંગાળમાં હાલ તોડજોડનું રાજકારણ ચાલી રહ્યું છે. તૃણમુલ કોંગ્રેસના કેટલાક નેતા ભારતીય જનતા પાર્ટીમાં સામેલ થઇ ગયા છે. ત્યારે હવે BJPમાંથી TMCમાં નેતાઓના જવાના સમાચાર મળી રહ્યાં છે. જેની શરુઆત ભાજપના સાંસદ સૌમિત્ર ખાનની પત્ની સુજાતાથી થઇ છે. સુજાતાએ આજે ભાજપની છોડી TMCનું સભ્યપદ લીધું છે. ત્યારબાદ ભાજપ સાંસદ સૌમિત્ર ખાને પોતાની પત્નીને તલ્લાક આપવાની તૈયારી દર્શાવી છે.
સુજાતાને તલ્લાકની નોટીસ મોકલશે સૌમિત્ર ખાન
સુજાતા મંડળના TMCમાં સામેલ થવાથી તેના પતિ અને ભાજપ સાંસદ સૌમિત્ર ખાન નારાજ છે. તેમણે સુજાતાને તલાકની નોટિસ મોકલવાની તૈયારી કરી છે. આ સાથે જે ઘરની સુરક્ષામાં લાગેલા જવાનોને હટાવી દીધા છે. સૌમિત્ર ખાન અને સુજાતા વચ્ચે કેટલાક દિવસથી અનબન ચાલી રહી હતી. જો કે હવે પડદા પાછળ ચાલી રહેલી લડાઇ ખુલ્લીને બહાર આવી ગઇ છે.
સુજાતા મંડળ ખાન તૃણમૂલ સાંસદ સૌગત રાય અને પ્રવક્તા કૃણાલ ઘોષની હાજરીમાં પાર્ટીમાં જોડાયાં છે. TMCમાં સામેલ થયા બાદ સુજાતાએ કહ્યું, મે રાજ્યમાં પાર્ટીને ઉપર લાવવાનું કામ કર્યું હતું, પરંતુ હવ ભાજપમાં કોઇ સન્માન નથી. એક મહિલા હોવાના કારણ મારા માટે પાર્ટીમાં રહેવું મુશ્કેલ હતું.
West Bengal: BJP MP Saumitra Khan's wife Sujata Mondal Khan joins Trinamool Congress in Kolkata. pic.twitter.com/xBukTrfEWB
સુજાતા મંડળ ખાને કહ્યું ભાજપ માત્ર તૃણમુલમાંથી ભ્રષ્ટ નેતાઓને પોતાના પલડામાં લાવી રહ્યાં છે અને પોતાની પાર્ટી બનાવાની તૈયારી કરી રહી છે. ભાજપમાં 6 મુખ્યમંત્રી અને 13 ડેપ્યુટી સીએમના ચેહરા છે! રાજ્યમાં ભાજપમાં કોઇ CMને લઇને સ્પષ્ટ ચહેરો નથી. મને લાગે છે કે મમતા બેનર્જી માટે કામ કરવા એક મહિલા તરીકે મારા માટે સન્માનજનક હશે.
સૌમિત્ર મંડળ પશ્ચિમ બંગાળના બિશુનપુર લોકસભા બેઠકથી ભાજપના સાંસદ છે. તેઓએ પત્નીના TMCમાં સામેલ થવા પર અજાણ હોવાને લઇને કહ્યું કે, મારી સાથે વાતચીત કર્યા વગર પત્નીએ આ નિર્ણય લીધો છે.
જ્યારે સુજાતાએ કહ્યું કે ઘરના મામલો ઘરમાં જ રહેવો જોઇએ. આ દરમિયાન TMC સાંસદ સૌગત રાય અને પ્રવક્તા કૃણાલ ઘોષ તેમની સાથે હાજર હતા.
ઉલ્લેખનીય છે કે ચૂંટણી રણનીતિકાર અને પશ્ચિમ બંગાળમાં TMCના સહયોગી તરીકે જોડાયેલા પ્રશાંત કિશોરે ટવિટ કરી કહ્યું, મીડિયાએ ભાજપનો જરૂરિયાત કરતાં વધારે પ્રચાર કર્યોછે. પરંતુ વાસ્તવિકતા એ છે કે પશ્ચિમ બંગાળમાં ડબલ ડીજીટ આંકડો પાર કરવા પણ સંઘર્ષ કરવો પડશે.