દ્વારકામાં અસામાજિક તત્વોના ત્રાસને કારણે એક યુવકે આપઘાત કરી લીધો છે. જોકે આપઘાત કરતા પહેલા યુવકે એક વીડિયો બનાવ્યો જેમા જે પણ આરોપીઓ ત્રાસ આપી રહ્યા હતા તેમના નામનો પણ તેણે ઉલ્લેખ કર્યો છે.
દ્વારકામાં અસામાજિક તત્વોના ત્રાસથી યુવકનો આપઘાત
અગાઉની ફરિયાદ પરત ખેંચવા આરોપીઓ કરતા હતા દબાણ
યુવકને આપી હતી હાથ પગ તોડવાની ધમકી
દેવભૂમી દ્વારકામાં એક યુવકે આપઘાત કરી લીધો છે. જેમા યુવકે આપઘાત કરતા પહેલા એક વીડિયો બનાવ્યો જેમા તેણે પોતાની આપવિતી કહી છે. યુવકના કહેવા પ્રમાણે અમુક અસાજીક તત્વો તેને હેરાન કરી રહ્યા હતા. જેમા અસામાજિક તત્વો દ્વારા તેને ધાકધમકી આપવામાં આવતી હતી. જેને લઈને યુવકે કંટાળીને મોતને વ્હાલું કરી લીઘું.
ફરિયાદ પરત ખેંચવા કરતા હતા દબાણ
આપઘાત કરતા પહેલા યુવકે એક વીડિયો બનાવ્યો છે. જેમા તેણે દરેક આરોપીઓના નામ લીધા છે. સાથેજ વીડિયોમાં યુવકે એવી સ્પષ્ટતા પણ કરી છે કે તે લોકો 17 તારીખે તેના ઘરે આવ્યા હતા. યુવકે તેમની સામે ફરિયાદ કરી હતી જે ફરિયાદ પાછી ખેંચવા તેમણે તેના પર દબાણ પણ કર્યું હતું અને ધમકી આપી હતી કે જો ફરિયાદ પાછી નહી ખેંચે તો તારા હાથ પગ તોડી નાખીશું.
કંટાળીને યુવકે કર્યુ મોતને વ્હાલું
આરોપીઓની ધમકીથી આપઘાત કરનાર યુવક કંટાળી ગયો હતો. જેથી તેણે અંતે મોતને વ્હાલું કરી લેવું વધારે સારુ લાગ્યું. જોકે આપઘાત કરતા પહેલા યુવકે વીડિયો બનાવ્યો જે વીડિયોમાં તેણે સંજય, નથું અને કિશન આ ત્રણ શખ્સોના નામ આપ્યા છે. જેઓ યુવકને છેલ્લા કેટલાક સમયથી હેરાન કરી રહ્યા હતા.
હાથ પગ તોડી કાઢવાની આપી હતી ધમકી
ઉલ્લેખનીય છે કે આરોપીઓની ધાકધમકીને કારણે કંટાળીને યુવકે આપઘાત કરી લીધો. જેમા અગાઉની ફરિયાદના સમાધાન માટે તેઓ તેને ધમકી આપી રહ્યા હતા. જેમા તેઓ યુવકને હાથ પગ તોડી નાખવાની ધમકી આપતા હતા.