બનાસકાંઠા / "વિષ્ણુ , અનીલ અને કિશન આ ત્રણેયે મને મરવા મજબૂર કર્યો", પત્નીના આડાસબંધથી કંટાળી યુવકે કર્યુ મોતને વ્હાલું

• થરાદમાં પરણિત યુવકનો આપઘાત 
• પત્નીના આડાસંબંધોથી કંટાળી પતિનો આપઘાત 
• આપઘાત કરતા પહેલા બનાવ્યો વીડિયો 

બનાસકાંઠાના થરાદમાં આડા સંબંધોને કારણે આત્મહત્યાનો એક બનાવ સામે આવ્યો છે. જેમા એક પરિણીત યુવકે તેની પત્નીના આડાસંબંઘોને કારણે જીંદગીથી હારીને મોતને વ્હાલું કરી લીધું છે. યુવકે મરતા પહેલા વીડિયો બનાવ્યા જે વીડિયોમાં તેણે તેની પત્નીની કાળી કરતૂતોનો ઉલ્લેખ કર્યો છે. 

પોલીસે તપાસ હાથ ધરી 

યુવકે આપઘાત કરતા પહેલા જે વીડિયો બનાવ્યો તે વીડિયોમાં તેણે એવો ઉલ્લેખ કર્યો છે. કે તેની પત્ની અન્ય યુવકો સાથે આડા સંબંધો રાખતી હતી. સાથેજ યુવકે વીડિયોમાં એવો ઉલ્લેખ કર્યો છે કે તેની પત્ની તેમજ યુવકનો કડકમાં કડક સજા મળવી જોઈએ. સમગ્ર મામલે યુવકે વિષ્ણુ, અનીલ અને કિશન આ ત્રણ નામનો ઉલ્લેખ કર્યો છે.જેથી પોલીસે પણ તે યુવકો અને મૃતકની પત્ની સામે ગુનો નોંઘીને કાયદેસરની કાર્યવાહી હાથ ધરી છે. 

આડાસંબંધો તોડવા પત્નીને સમજાવી હતી 

મૃતક યુવક અમરત રાઠોડ ભાભર તાલુકાના ચલાદર ગામનો રહેવાસી હતો અને તે આઈટીઆઈમાં અભ્યાસ કરતો હતો. તેના લગ્ન બાદ તેને જાણ તઈ કે તેની પત્નીના અન્ય યુવકો સાથે પણ આડા સબંધો છે. જેથી તેણે તેની પત્નીને સમજાવી હતી પરંતુ પત્નીએ તેના સંબંધો તોડ્યા ન હતા. 

હોટલમાં રૂમ બુક કરી આપઘાત કર્યો 

પત્નીના આડા સબંધોથી કંટાળીને યુવકે આત્મહત્યા કરવાનો નિર્ણય લીધો. વહેલી સવારે તે ઘરેથી નીકળીને થરાદની કલાપી હોટલમાં ગયો જ્યા રૂમ બુક કરાવીને તેણે સુસાઈડ નોટ લખી જેમા તેણે તેણે તેની પત્નાના આડાસંબંધો ઉલ્લેખ કર્યો. સાથેજ સોશિયસ મીડિયા પર પણ તેણે તેની પત્નીની કાળી કરતૂતોનો ઉલ્લેખ કરતો એક વીડિયો બાનાવ્યો હતો. 

પરિવારજનોએ વીડિયો જોઈ પોલીસને જાણ કરી 

વીડિયોમાં તેણે આત્મહત્યા માટે તેની પત્ની સહિત ચાર યુવકોને જવાબદાર ગણાવ્યા અને બાદમાં તેણે આત્મહત્યા કરી લીધી હતી. પરિવરાજનો પાસે જ્યારે યુવકનો વીડિયો પહોચ્યો ત્યારે તેઓ થરાદ પોલીસને લઈને કલાપી હોટલ પહોચ્યા હતા. જ્યા પોલીસે યુવકના મૃતદેહને પીએમ અર્થે ખસેડ્યો સાથેજ તેની પત્ની સહિત ચાર લોકો સામે આ સમગ્ર મામલે ગુનો નોંધીને કાયદેસરની કાર્યવાહી આરંભી છે.