મહીસાગરમાં પ્રેમિકાએ દગો કરતા યુવકે આપઘાત કર્યો હોવાની ઘટના સામે આવતા અરેરાટી ફેલાઈ ગઈ હતી.
બાલાસિનોરના યુવકે કેનાલમાં કુદી કર્યો આપઘાત
યુવકે આપઘાત પહેલા બનાવેલ વીડિયો થયો વાયરલ
પ્રેમીકાએ દગો કરતા આપઘાત કર્યો હોવાનુ વીડિયોમાં ઉલ્લેખ
યુવાધનને યોગ્ય સમયે યોગ્ય રાહ ન મળે તો તે આવો અવળો માર્ગ પણ પસંદ કરી લેતા હોય છે. બાલાસિનોરમાં જુવાન જોધ દીકરાના આપઘાતે માતા-પિતાને આક્રંદ કરતા મૂકી દીધા છે.
બાલાસિનોરના યુવકે નર્મદા કેનાલમાં કુદી મોત વહાલું કર્યુ છે. યુવાને ગળતેશ્વર નજીક નર્મદા કેનાલમાં ઝંપલાવ્યું છે. આ મુદ્દે યુવાનના માતા-પિતા પોલીસ મથકે ફરિયાદ નોંધાવી છે.
યુવકે આપઘાત કરતા પહેલા એક વીડિયો બનાવ્યો હતો. પ્રેમીકાએ દગો કરતા આપઘાત કર્યો હોવાનુ વીડિયોમાં ઉલ્લેખ કર્યો છે. આપઘાત પહેલા બનાવેલા વીડિયોમાં યુવકે પ્રેમીકાને બાય કહીને કહ્યુ હતું કે, મેં તને સાચ્ચો પ્રેમ કર્યો હતો પણ તે મને દગો આપ્યો. એક વર્ષથી તુ મને દગો આપતી હતી? આ વીડિયો ખૂબ વાયરલ થઈ રહ્યો છે. આખરે યુવકના માતા પિતાએ આ અંગે પોલીસમાં ફરિયાદ કરી હતી.