મોડલ લક્ષ્મી મેનન ટૂંક સમયમાં એક્ટર- કોલમિસ્ટ સુહેલ શેઠના દિકરાને જન્મ આપવાની છે. બંન્નેએ ગત વર્ષે ડિસેમ્બરમાં ગુરૂગ્રામ સ્થિત ઘરે લગ્ન કરી લીધા છે. હવે આ મોડેલ પ્રથમ બાળકને જન્મ આપવાની છે. તેઓ લગ્ન બાદ ઝડપથી પોતાનો પરિવાર શરૂ કરવા માગતા હતા. બંન્નેને એ જાણીને ખુશી થઇ કે તેઓ માતા-પિતા બનવાના છે અને નવા એક સભ્યનું ઘરમાં આગમન થવાનું છે. આ ખુશીમાં તેમણે એક નાની પાર્ટીનું આયોજન કર્યું હતું.
દિગ્ગજો જોડાયા કાર્યક્રમમાં
આ કાર્યક્રમમાં નેતા પ્રફુલ પટેલ, તસનીમ, વિક્રમ મેહતા, તરુણ તેજપાલ તથા દિલ્હીના પૂર્વ મુખ્યમંત્રી શીલા દિક્ષીત સહિત અન્ય લોકો જોડાયા હતા. સૂત્રો દ્વારા પ્રાપ્ત થયેલ વિગત મુજબ કેન્દ્રીય અરૂણ જેટલી પણ વીડિયો કોલના માધ્યમ થકી જોડાયા હતા.
#MeToo અભિયાન રહ્યા ચર્ચામાં
સુલેહ શેઠ ટીવી ડિબેટ્સમાં નજર આવે છે અને #MeToo અભિયાન દરમિયાન તેમના પર ગંભીર આરોપ લાગ્યા હતા. લેખક ઇરા ત્રિવેદી, ફિલ્મ મેકર નતાશા રાઠોર તથા મોડલ ડિએન્ડ્ર સોરને તેમના પર યૌન શોષણનો આરોપ લગાવ્યો હતો.
ડિએન્ડ્રાએ લગાવ્યો હતો આરોપ
ડિએન્ડ્રાએ ટ્વીટર પર લખ્યું હતું કે, હું જાણું છું કે, તેઓ કેમ ચૂપ છે. તેમને લાગે છે કે તેઓ નીકળી જશે. પરંતુ તેમને અંતિમ શ્વાસ સુધી જવા નહીં દઉ. મને તે વાતની પરેશાની છે કે, તેમણે તે મહિલાઓને પણ જવાબ નથી આપ્યા જેમણે તેમના પર આરોપ લગાવ્યા છે. આ બધુ જ 15 દિવસ થઇ ગયા અને હજી પણ શાંત છે.
તેમણે કહ્યું, એવી તમામ બુદ્ધીજીવી મહિલાઓ છે જેને લાગે છે કે, હું આ બધુ જ પબ્લિસીટી માટે કરી રહી છું. પરંતુ જરા વિચારો, જો મને પબ્લિસીટી જ જોઇતી હતી તો મેં કોઇ સુપર સ્ટારનું નામ કેમ ન લીધું અને સુહેલ શેઠનું નામ કેમ લીધુ...?