ઉત્તર પ્રદેશના મુરાદાબાદમાં એક દુલ્હને સુહાગરાતના દિવસે શારીરિક સંબંધ બાંધવાની ના પાડી દીધી. આ કેસમાં હેરાન કરનારી વાત એ છે કે, દુલ્હન અને વરરાજા વચ્ચે ચાર વર્ષથી પ્રેમ સંબંધ ચાલી રહ્યો હતો.
ઉત્તર પ્રદેશમાંથી વિચિત્ર કિસ્સો સામે આવ્યો
ચાર વર્ષ સુધી પ્રેમમાં રહ્યા લગ્ન કર્યા લગ્ન
સુહાગરાતના દિવસે છોકરીએ સેક્સ કરવાની ના પાડી દીધી
ઉત્તર પ્રદેશના મુરાદાબાદમાં એક દુલ્હને સુહાગરાતના દિવસે શારીરિક સંબંધ બાંધવાની ના પાડી દીધી. આ કેસમાં હેરાન કરનારી વાત એ છે કે, દુલ્હન અને વરરાજા વચ્ચે ચાર વર્ષથી પ્રેમ સંબંધ ચાલી રહ્યો હતો. બંનેના પરિવારના લોકો લગ્ન માટે તૈયાર નહોતા, પણ પ્રેમની આગળ પરિવારે હારી માની અને બંનેના ધામધૂમથી લગ્ન કરાવી દીધા. પણ સુહાગરાત પર દુલ્હને શારીરિક સંબંધ બાંધવાની ના પાડી દીધી, આ ઘટનાને લઈને ચારેબાજૂ ચર્ચા થઈ રહી છે.
સુહાગરાતના દિવસે છોકરીએ ખુલાસો કર્યો
સુહાગરાત પર જ્યારે દુલ્હને પોતાના પતિને કહ્યું કે, મને શારીરિક સંબંધ બાંધવાનું બિલ્કુલ પસંદ નથી. શરૂઆતમાં તો તેના પતિને લાગ્યું કે, તે મજાક કરી રહી છે. પણ દુલ્હન તો ગાંઠ વાળીને બેઠી હતી કે નહીં મતલબ નહીં જ ! તે કોઈ પણ સંજોગોમાં શારીરિક સંબંધ નહીં બાંધે. કારણ કે તેને આવું કરવું સારુ નથી લાગતું. આ સાંભળીને પતિના પગ તળેથી જમીન ખસકી ગઈ. પરિવારના લોકોએ છોકરીને ખૂબ સમજાવી, પણ તે માની નહીં અને શારીરિક સંબંધ બાંધવાની સતત ના પાડતી રહી.
સાસરિયા પક્ષે ખૂબ મનાવી, સારવાર કરાવી
લવ મેરેજ બાદ સુહાગરાત નહીં મનાવાની વાત કોઈને પણ પચતી નથી. આ ગંભીર મામલાનું સમાધાન કરવાનો પ્રયત્ન પંચાયતે પણ કર્યો, પણ દુલ્હને પોતાની જીદ પકડી રાખી હતી. ત્યાર બાદ સાસરિયાવાળા નારી ઉત્થાન કેન્દ્ર લઈને ગયા. જ્યાં દુલ્હનનું કાઉંસિલીંગ કરાવામાં આવ્યુ, પણ ત્યાં પણ દુલ્હને શારીરિક સંબંધ બાંધવાની ના પાડી દીધી. બાદમાં બંનેએ પોતાની મરજીથી છૂટાછેડા લેવાનું નક્કી કર્યું.
છોકરાએ ખૂબ સાથ આપ્યો
કાઉંસિલર ઋતુ નારંગે જણાવ્યું હતું કે, છોકરો આ છોકરીને ખૂબ પ્રેમ કરે છે. છોકરાએ છોકરીને કહ્યું કે, કોઈ વાંધો નહીં જ્યારે તું રાજી થાય અને તૈયાર હોય ત્યારે કહી દેજે. બાદમાં છોકરી હવા ફેર કરવા માટે પોતાના પિયર જતી રહી. પાછી આવતા પતિએ પૂછ્યું હવે શું તકલીફ છે ? બાદમાં છોકરીએ કહ્યું કે, મને સેક્સ કરવાથી ડર લાગે છે. હું સેક્સ નહીં કરૂ, છોકરાએ કહ્યું કે, કોઈ વાંધો નહીંમ, આપણે તારી સારવાર કરાવીશું અને ડોક્ટરને બતાવીશું, આ દરમિયાન છોકરાએ છોકરીએ સાથે કોઈ પણ પ્રકારનો ખોટો વ્યવહાર કે ગુસ્સે થયો નહોતો. પણ તેને તો ત્યાં સુધી કહ્યું કે, મારા ભાભી આપને ડોક્ટર પાસે લઈ જશે.
ડોક્ટર પાસે બતાવ્યું, પણ છોકરી માની નહીં
છોકરીએ ડોક્ટરને બતાવ્યું, થોડા સમય સુધી સારવાર ચાલી અને બાદમાં છોકરી પિયર જતી રહી, તેણે પોતાની માતાને આ વાત જણાવી અને કહ્યું કે, હું પાછી સાસરિયે નહીં જાઉ. માતાએ ખૂબ સમજાવી અને ડોક્ટરને પણ બતાવ્યું. 3-4 મહિના સુધી છોકરીની સારવાર ચાલી, તોયે કંઈ સમાધાન આવ્યું નહીં.
છૂટાછેડા લેવાની જીદ પર અડગ રહી છોકરી
કાઉંસિલર ઋતુ નારંગે કહ્યું કે, છોકરી 4 વર્ષ સુધી છોકરાને પ્રેમ કરતી રહી અને લગ્ન કરવા માટે ખૂબ જીદ કરતી હતી. બાદમાં છૂટાછેડા માટે પણ તેણે જ જીદ પકડી. બાદમાં છોકરીને પૂછ્યું કે, જ્યારે તને આ વાતની ખબર હતી, તો પછી તે છોકરાને શા માટે આ વાત ન જણાવી. લગ્ન માટે શા માટે જીદ કરી હતી. બે પરિવારને શા માટે હેરાન કર્યા. બંને પરિવારે આ અંગે ચર્ચા કરી, પણ બંનેમાંથી કોઈએ એકબીજાને દોષ આપ્યો નહીં. આ મામલે બંને પરિવારનો એક જ મત હતો.
છોકરીની માતાએ જણાવ્યું કે, આ મામલામાં મારી દિકરીની ભૂલ છે. તે નથી ઈચ્છતી કે છોકરાની જીંદગી ખરાબ થાય. છોકરો બહું સારો છે, અમારો ખૂબ સાથ આપ્યો છે. હું ઈચ્છુ છું કે, બંનેને સમજાવીને અલગ કરી દેવામાં આવે. છોકરો અલગ થવા માટે જરાયે તૈયાર નહોતો. છોકરાએ તો ત્યાં સુધી કહ્યું કે, તે આજીવન સેક્સ કર્યા વગર રહેશે. તે આ છોકરી સાથે રહેવા માગે છે. તું જ્યાં કહીશ ત્યાં સારવાર કરાવીશું. જો કે,છોકરીએ તો જીદ પકડી હતી કે, તે ગમે તેમ કરી છૂટાછેડા લેશે.