માવઠું / વેસ્ટર્ન ડિસ્ટર્બન્સ સર્જાતા ગુજરાતના મોટા શહેરોમાં અચાનક વાતાવરણ આવ્યો પલટો,બે દિવસ બાદ વધશે ઠંડીનું જોર  

• અમદાવાદના વાતાવરણમાં આવ્યો પલટો
• ઠંડીની સાથે વરસાદની સિઝનનો અહેસાસ
• કેટલાક શહેરોમાં છૂટો છવાયો વરસાદ પડ્યો

વેસ્ટર્ન ડિસ્ટર્બન્સ સર્જાતા હવામાન વિભાગે ગુજરાતમાં કમોસમી વરસાદની આગાહી કરી હતી ત્યારે મોડી રાત્રે અચાનક વાવાવરણમાં પલટો આવી જતા ખેડૂતો ચિંતામાં મુકાયા હતા. રાજ્યના અનેક શહેરમાં ધીમીધારે વરસાદી વરસ્યો હતો. તો કેટલાક વિસ્તારમાં ઝરમર ઝરમર વરસાદ વરસતા રોડ રસ્તા પર પાણી છવાયેલા જોવા મળ્યા હતા. 

ઠંડીની સાથે વરસાદની સિઝનનો અહેસાસ

વિસ્તારોમાં કમોસમી વરસાદ વરસતા ખેડૂતો ચિંતામાં મુકાયા છે. વરસાદી ઝાપટાં સાથે શહેરમાં ઠંડક પ્રસરી ગઈ છે, શહેરમાં ગાઢ ધુમ્મસની ચાદર પથરાઈ ગઈ હોય તેવું લાગી રહ્યું છે જ્યારે ગાઢ ધૂમ્મસના કારણે વિઝિબિલિટીમાં પણ ઘટાડો થયો છે. વાહન ચાલકોને સવારે હેડલાઈટ ચાલુ રાખવાની ફરજ પડી રહી છે. વેસ્ટર્ન ડિસ્ટર્બન્સના કારણે અચાનક વાતાવરણ પલટો આવી જતા અમદાવાદમાં કેટલાક વિસ્તારોમાં છુટોછવાયો વરસાદ પડ્યો છે. હવામાન વિભાગની આગાહી છે કે વેસ્ટર્ન ડિસ્ટર્બન્સના લીધે 2 દિવસ રાજ્યમાં ઠંડીનું જોર ઘટશે જ્યારે બે દિવસ બાદ રાજ્યમાં ઠંડીનું પ્રમાણ વધી શકે છે તેવું હવામાન વિભાગે જણાવ્યું છે. 

વેસ્ટર્ન ડિસ્ટર્બન્સની અસરને પગલે વાતાવરણ પલટાયું

અમદાવાદમાં પણ મોડી રાત્રે વાતાવરણમાં પલટો જોવા મળ્યો હતો. વેસ્ટર્ન ડિસ્ટર્બન્સની અસરના કારણે અચાનક વરસાદી માહોલ છવાઈ ગયો હતો.  આ તરફ ગાંધીનગર અને ઉત્તર ગુજરાતના પણ કેટલાક વિસ્તારોમાં મોડી રાત્રે વરસાદ પડતા ખેડૂતો ચિંતિત બન્યા છે. માવઠાને કારણે ખેડૂતોના પાકને નુકસાન જવાની ભીતિ સેવાઈ રહી છે. કચ્છના રાપર સહિત ખેંગારપર, કુડા ,રામવાવ અને જામપર, સુવઇ સહિતના વિસ્તારમાં વરસાદ વરસ્યો છે વરસાદ બાદ વાતાવરણમાં ઠંડક પ્રસરી ગઈ છે જેના કારણે સામાન્ય ઠંડીમાં પણ વધારો જોવા મળી રહ્યો છે. 

રાજ્યમાં 2 દિવસ ઠંડીમાંથી મળશે આંશિક રાહત

ઉત્તર ગુજરાતની વાત કરીએ તો બનાસકાંઠા જીલ્લામાં પણ વરસાદ જોવા મળ્યો. હવામાન વિભાગની આગાહી પ્રમાણે કમોસમી વરસાદ વરસ્યો છે. ત્યારે  ખેડૂતોની મુશ્કેલી વધી ગઈ છે કમોસમી વરસાદના કારણે ખેતીના પાકને નુકસાનની ભીતિ ઉભી થઇ રહી છે. બનાસકાંઠામાં અંબાજી પંથકમાં પણ વાતાવરણમા પલટો જોવા મળ્યો છે. અહીં પણ વરસાદ વરસતા રસ્તા પર પાણી છવાઈ ગયા છે જ્યારે મોરબી, કચ્છમાં અંજાર-માંડવી, મુન્દ્રા શહેરમાં વરસાદ પડ્યો છે કચ્છમાં હજુ હવામાન વિભાગ 5 દિવસ વરસાદની આગાહી કહેવામાં આવી છે.