સુદાન / જંગલના રાજાની સ્થિતિ બેહાલ! સિંહને જોતા જ લાગે જાણે છે કોઇ હાડપિંજર.....

• સુદાનના સિંહ કુપોષણનો શિકાર બની રહ્યા છે
• હેશટેગ એનિમલ રેસ્ક્યુ કરીને સોશિયલ મીડિયામાં ટ્રેન્ડ ચાલી રહ્યો છે
• કુપોષિત સિંહને જોવા માટે ભીડ લાગી

આફ્રિકન દેશ સુદાનમાં ખોરાકની અને દવાઓની અછતની અસર માણસો સાથે સાથે જાનવરોમાં પણ જોવા મળી રહી છે. આની એવી અસર થઇ છે કે જેનાથી પાંચ નર અને માદા વાઘ કુપોષણનો શિકાર બન્યા છે. હવે સ્થિતિ એટલી ગંભીર બની છે કે પ્રાણીઓના હાડકા પણ દેખાય છે. સોશિયલ મીડિયા પર તાજેતરમાં જ આવા એક સિંહનો ફોટો વાઈરલ થયો છે. 

સુદાનમાં હાલ હેશટેગ સુદાન એનિમલ રેસ્ક્યુ ટ્રેન્ડ ચાલી રહ્યો છે. ફેસબુક એક્ટીવિસ્ટ ઉસમાન સાહિલે લખ્યું કે , 'જ્યારે મેં આ સિંહને પાર્કમાં જોયા, તો તેમના હાડકા દેખાઈ રહ્યાં હતાં. હું લોકો અને પ્રાણીની સંસ્થાને અપીલ કરું છું કે તેમની મદદ કરો' તેમની આ પોસ્ટ બાદ લોકોની માંગ છે કે વાઘને એવી જગ્યાએ મોકલવામાં આવે, જ્યાં તેમનું પાલન પોષણ યોગ્ય રીતે થઈ શકે. 

કુપોષિત સિંહને જોવા માટે ભીડ લાગી
સોશિયલ મીડિયા પર સિંહની લથડતી પરીસ્થિતિ જોઇને મોટી સંખ્યામાં લોકો સિંહને જોવા માટે ઉમટ્યા. ન્યુઝ એજેન્સીના ફોટોગ્રાફરે જણાવ્યું કે 5માંથી એક સિંહને દોરડાથી બાંધવામાં આવ્યો છે અને ડ્રીપ દ્વારા ગ્લુકોઝ આપવામાં આવે છે. પાર્કના અધિકારીએ જણાવ્યું કે પાર્કની ખરાબ સ્થિતિને કારણે મોટા ભાગના પ્રાણીઓના સ્વાસ્થ્ય પર માઠી અસર પડી રહી છે.

પાર્કનું સંચાલન નગરપાલિકા દ્વારા કરવામાં આવી રહ્યું છે. પરંતુ આ પાર્ક પ્રાઈવેટ ફંડિંગ દ્વારા ચાલી રહ્યું છે. લોકો દ્વારા ડોનેટ કરવામાં આવેલા પૈસામાંથી આ પાર્કને થોડી ઘણી સગવડતા મળી રહી છે. હાલ સુદાન અર્થવ્યવસ્થાની કપરી પરીસ્થિતિમાંથી પસાર થઈ રહ્યું છે.