ભાવનગર પોલીસે ડુપ્લિકેટ તંબાકુ બનાવવાનું કૌભાંડ ઝડપી પાડ્યું છે. આ કેસમાં પોલીસે એક શખ્સની ધરપકડ પણ કરી. પોલીસે કેટલીક સામગ્રીનો જથ્થો પણ ઝડપી લીધો
ભાવનગરમાં નકલી તંબાકુનું કૌભાંડ
પોલીસે એક શખ્સ સાથે સામગ્રી ઝડપી
હવે તંબાકુ ખાતા હો તો ચેતી જ જજો
રાજ્યમાં નિકોટીન (તંબાકુ )નું સેવન કરનારા ઓછા નથી. તમામ પેકિંગ/ પાઉચ પર 'સ્વાસ્થ્ય માટે હાનીકારક' લખાયેલું હોવા છતાં 'આદત સે મજબૂર' લોકો તંબાકુનું સેવન દિન-પ્રતિદિન વધારી રહ્યા છે અથવા કહો કે, નવી યુવા પેઢી આ સેવન તરફ વળી રહી છે. કેન્દ્રીય સ્વાસ્થ્ય મંત્રલાય તંબાકુ મોંધી કરીને પણ લોકોને લતથી દૂર રાખવા પ્રયત્ન કરી રહી છે ત્યારે, ભાવનગરમાં નકલી તંબાકુ બનાવતો શખ્સ ઝડપાયો છે. સાથે કેટલીક સામગ્રી પણ પોલીસે જપ્ત કરી છે.
ભાવનગર પોલીસે ડુપ્લિકેટ તંબાકુ બનાવવાનું કૌભાંડ ઝડપી પાડ્યું છે. આ કેસમાં પોલીસે એક શખ્સની ધરપકડ પણ કરી છે. આરોપી ગણેશનગર-2માં ડુપ્લિકેટ તંબાકુ બનાવતો હતો. જેની જાણ થતાં ભાવનગર પોલીસે રેડ પાડી હતી. આ રેડમાં પોલીસે ડુપ્લિકેટ તંબાકુના જથ્થા સાથે પ્રિન્ટિંગ રોલ પણ જપ્ત કર્યો છે. જે બાદ D-ડિવિઝન પોલીસે ફરિયાદ નોંધી આગળની કાર્યવાહી હાથ ધરી છે