VIDEO / આવા અખતરા તો મોંઘા જ પડેને! 14 ફૂટના કિંગ કોબ્રાને ગળામાં નાંખીને નાચી રહ્યો તો શખ્સ,પછી જે થયું તે...

• સાપનું પ્રદર્શન કરતાં સમય કિંગ કોબરા ડંખ મારતાં મોત નીપજ્યું  
• આ ઘટનાને ઘણાં લોકોએ પોતાના ફોનમાં કેદ કર્યો 
• સાપે ડંખ મારતાં થોડી ક્ષણમાં જ મૃત્યુ પામ્યો 

સાપને ગળામાં વીંટાળીને પ્રદર્શન કરવું  વૃદ્ધને મોઘું પડ્યું 

આસામના કછાર જિલ્લાના વિષ્ણુપુર ગામમાં એક વૃદ્ધને કિંગ કોબરા સાપને ગળામાં નાંખીને પ્રદર્શન કરવું મોઘું પડ્યું છે.સાપનું પ્રદર્શન કરતી વખતે સાપ કરડવાથી તે વ્યક્તિનું મોત થઈ ચુક્યું છે. મૃતક વ્યક્તિની ઓળખાણ રઘુનંદન ભૂમિજના રૂપમાં થઈ છે.રિપોર્ટ અનુસાર 60 વર્ષીય વ્યક્તિએ પોતાના ગામમાં એક ખેતરમાં 14 ફૂટ લાંબો ઝેરીલી પ્રજાતીનો કિંગ કોબરા સાપને દેખતાં તેને પકડી લીઘો હતો. કિંગ કોબરાના પકડ્યાં બાદ રઘુનંદન ભૂમિજે સાપને પોતાના ગળે વીંટાળીને ગામમાં પ્રદર્શીત કરવા લાગ્યો હતો. 

આ ઘટનાને ઘણાં લોકોએ પોતાના ફોનમાં કેદ કર્યો 

આ ઘટનાને ગામના ઘણાં લોકોએ પોતાના મોબાઈલ ફોનમાં કેદ કરી લીધો હતો. વીડિયોમાં તે શખ્સ કિંગ કોબરાને પોતાના ગળામાં વીટાળીને પોતાના વિસ્તારમાં પ્રદર્શન કરવા લાગ્યો હતો. તેણે કિંગ કોબરા સાથે નૃત્ય કરવાનું શરૂ કરી દીધું હતું. અને સાપને ખોટી રીતે પકડી રાખ્યો હતો. જેને લઈને સાપને કથિત રૂપે કરડવા પ્રેરિત કર્યો હતો. 

સાપે ડંખ મારતાં થોડી ક્ષણમાં જ મૃત્યુ પામ્યો 

સ્થાનિક લોકોએ બતાવ્યું હતું કે, થોડી જ ક્ષણોમાં સાપે ભૂમિજને ડંખ માર્યો હતો. સાપના ડંખ માર્યા બાદ ભૂમિજને તાત્કાલિક સારવાર અર્થે નજીકની  હોસ્પિટલ ખાતે ખસેડાયા હતાં જ્યાં ડોકટરોએ તેમને મૃત ઘોષિત કર્યો હતો. આ ઘટના બાદ વન વિભાગની ટીમ  ઘટના સ્થળે  પહોંચી સાપને રેસ્કયુ કરીને જંગલમાં છોડી મુક્યો હતો.