કોરોના વાયરસના કારણે હાલ વિશ્વભરમાં ભયનો માહોલ ફેલાયેલો છે. અને અત્યાર સુધી કોરોના કારણે ચીનમાં 3100થી વધુ લોકોના મૃત્યુ થયા છે. ત્યારે હવેવિયેતનામના ડાંસર ક્વાંગ અફેંગનો TikTok વિડીયો વાયરલ થયો છે જેમાં તે કોરોના વાયરસથી બચવા માટેની રીત બતાવી રહ્યો છે.
કોરોના વાયરસથી બચવા માટેનો વિડીયો વાયરલ
વિયેતનામી ડાંસરે બનાવ્યો છે વિડીયો
યુનિસેફે ટ્વીટ કરીને કર્યા વખાણ
કોરોના વાયરસના બચાવ માટે દુનિયાભરના ડોકટરોની ટીમ અને રીસર્ચરો લાગ્યા છે. આ વાયરસના કારણે ચીનમાં ખુબ જ નુકશાન થયું છે. હવે આ વાયરસે બીજા દેશોમાં પણ એન્ટ્રી લઈ લીધી છે. અને મૃત્યુ થનારાની સંખ્યા સતત વધતી જાય છે. આ સમગ્ર ઘટનાઓ વચ્ચે વિયતનામના 2 છોકરાઓનો TikTok વિડીયો સામે આવ્યો છે.આ વિડીયોમાં કોરોનાથી બચવા માટે ડાંસ સ્ટાઇલમાં હેંડવોશ કરતા જોવા મળી રહ્યાં છે.
We love this handwashing dance from Vietnamese dancer, Quang Đăng.
વૈજ્ઞાનિકો અને શોધકર્તાઓ પણ કોરોનાવાયરસના બચાવમાં સારી રીતે હાથ ધોવાનું મહત્વ બતાવી રહ્યાં છે. આ વાતને જ ધ્યાનમાં રાખીને આ છોકરાઓએ વિડીયો બનાવ્યો છે. આ વિડીયો સોશ્યલ મીડિયામાં ખુબ વાયરલ થઈ રહ્યો છે. વિડીયોને જોઈને આ વિડીયોને યુનિસેફે પણ ટ્વીટ કરી મુક્યો છે. આ વિડીયોમાં લાખો વ્યુ આવ્યા છે.
યુનિસેફ દ્વારા ટ્વીટ કરવામાં આવેલો આ ટીકટોક વિડીયો સોશ્યલ મીડિયામાં ખુબ વાયરલ થઈ રહ્યો છે. યુનિસેફે આ વિડીયોને ટ્વીટ કરી લખ્યું કે વિયેતનામી ડાંસર ક્વાંગ અફેંગનો આ હેંડવોશિંગ ડાંસ વિડીયો ખુબ પસંદ પડ્યો છે. અને કહ્યું કે પોતાના હાથને સાબુ અને પાણીથી ધોવો અને કોરોનાવાયરસથી બચવા માટેની આ પહેલ છે.
આ વિડીયો જોયા બાદ હજારો લોકો આ વિડીયો પર કોમેન્ટ કરી રહ્યાં છે અને ડાંસરના વખાણ કરી રહ્યાં છે.