ટીમ ઈન્ડિયા શ્રીલંકા સામેની ત્રણ મેચની વનડે સીરિઝની પહેલી મેચ રમશે એ પહેલા હાલ કેપ્ટન રોહિત શર્માનો એક વીડિયો ઘણો વાયરલ થઈ રહ્યો છે
કેપ્ટન રોહિત શર્મા પણ ફિટ થઈને પરત ફર્યા
રોહિતને જોઈને રડવા લાગ્યો આ નાનો ફેન
સોશિયલ મીડિયા પર ઘણો વાયરલ થઈ રહ્યો છે આ વિડીયો
ટીમ ઈન્ડિયા હાલ ગુવાહાટીમાં છે. જણાવી દઈએ કે ગુહવાટીમાં આજે ટીમ ઈન્ડિયા શ્રીલંકા સામેની ત્રણ મેચની વનડે સીરિઝની પહેલી મેચ રમશે. આજે (10 જાન્યુઆરી)ના રોજ ગુવાહાટીના બરસાપારા સ્ટેડિયમમાં આ મેચ રમાવવા જઈ રહી છે. મહત્વની વાત અહિયા એ છે કે આ સિરીઝ સાથે ટીમ ઈન્ડિયાના કેપ્ટન રોહિત શર્મા પણ ફિટ થઈને પરત ફરી રહ્યા છે.
હાલ મેચ પહેલા કેપ્ટન રોહિત શર્માનો એક વીડિયો ઘણો વાયરલ થઈ રહ્યો છે જેમાં હિટ મેન રોહિત શર્મા એક બાળકના ગાલ ખેંચતો જોવા મળી રહ્યો છે. આ વાયરલ વિડીયોમાં જોવા મળ્યું હતું કે રોહિતને મળવાની રાહ જોઈ રહેલ બાળક જ્યારે રોહિતને મળે છે ત્યારે તે રડવા લાગે છે. એ પછી રોહિત તેને દુલાર કરતાં તેના ગાલ ખેંચે છે અને તેને રમાડીને તેને ચૂપ કરાવે છે. આ સાથે જ રોહિત કહેતા સંભળાય છે કે આવા મોટા-મોટા ગાલ છે.
રોહિતને જોઈને રડવા લાગ્યો આ નાનો ફેન
જણાવી દઈએ એ આ ઘટના મેચના એક દિવસ પહેલા એટલે કે ગઈકાલની પ્રેક્ટિસ દરમિયાન બની હતી, જ્યાં રોહિત શર્મા સહિત સમગ્ર ટીમ ઈન્ડિયા નેટ પ્રેક્ટિસમાં ઘણો પરસેવો પાડી રહી હતી. ટીમ ઇન્ડિયાને જોવા માટે બાઉન્ડ્રીની બીજી બાજુ ઘણા પ્રશંસકો એકઠા થયા હતા અને એ બધા લોકો કેપ્ટન સહિત અન્ય ખેલાડીઓને મળવા માંગતા હતા.
જણાવી દઈએ કે આ દરમિયાન રોહિતને જોઈને એક છોકરો રડવા લાગે છે અને એ પછી રોહિત શર્મા તેની પાસે આવે છે. વાયરલ વિડીયો મુજબ છોકરાએ ટીમ ઈન્ડિયાની જર્સી પહેરી છે અને જ્યારે રોહિત તેની પાસે આવે છે ત્યારે એ છોકરો રડવા લાગે છે અને તેની સાથે ઘણી વાતો પણ કરવા લાગે છે. એ સમયે જ રોહિત શર્મા તેને પૂછે છે કે 'કેમ રડે છે?.. કેમ આટલા મોટા-મોટા ગાલ ચઢાવ્યા છે ' આ પછી રોહિત તે છોકરા સાથે ફોટો પડાવે છે.
ભારત અને શ્રીલંકા વચ્ચેની વનડે સીરિઝ
હાલ આ વીડિયો સોશિયલ મીડિયા પર ઘણો વાયરલ થઈ રહ્યો છે અને આ સાથે જ લોકો રોહિત શર્માના વખાણ પણ કરી રહ્યા છે. જણાવી દઈએ કે શ્રીલંકાની ક્રિકેટ ટીમ હાલઆ ઈન્ડિયા ટુર પર છે અને હાલ ભારત અને શ્રીલંકા વચ્ચે વનડે સીરિઝ શરૂ થઈ રહી છે. આ પહેલા હાર્દિક પંડ્યાની કપ્તાનીમાં ટીમ ઈન્ડિયાએ શ્રીલંકાને T20 શ્રેણીમાં 2-1થી હરાવ્યું છે. હવે રોહિતની કપ્તાનીમાં ભારતીય ટીમ શ્રીલંકા સામે ત્રણ મેચની વનડે સીરિઝ રમવાની છે અને તેની પહેલી મેચ આજે મંગળવારે ગુવાહાટીમાં રમાશે.