છટકું / ACBની સફળ ટ્રેપ, 3 મોટા અધિકારીઓ સહિત કુલ 6ને લાંચ લેતા ઝડપ્યા, જાણો નામજોગ

• ગુજરાતમાં લાંચિયા અધિકારી પર ક્યારે લગામ?
• GSTના નાયબ રાજ્યવેરા કમિશનર નરસિંહ પાંડોર લાંચ લેતા ઝડપાયા
• તાપીમાં PI અને PSI લાંચ લેતા ઝડપાયા

ગુજરાતમાં સામાન્ય કામ માટે મોટા અધિકારીઑથી માંડી નાના કર્મચારીઑ સુધી લાંચ માટે મોઢૂ ખોલતા સહેજ પણ ખચકાટ અનુભવતા નથી, ખુલ્લેઆમ લાંચ લેવાય પણ છે અને લાંચ દેવાય પણ છે. ત્યારે સુરત ACBએ છટકું ગોઠવી એક સફળ ટ્રેપ રચી GSTના નાયબ રાજ્યવેરા કમિશનરને લાંચ લેતા ઝડપ્યા છે તો બીજી તરફ તાપીમાં પણ ACBએ તાપીમાં PI અને PSI લાંચ લેતા ઝડપાયા છે. સુરતમાં GST અધિકારી નરસિંહ પાંડોર 1 લાખની લાંચ લેતા જ્યારે તાપીમાં PI અને PSI 50 હજારની લાંચ લેતા રંગેહાથ ઝડપાયા છે. 

સુરતમાં  ACBની સફળ ટ્રેપ
બાતમીને આધારે ઘણા દિવસથી ACBની રડારમાં GSTના નાયબ રાજ્યવેરા કમિશનર હતા જે બાદ તરકટ રાંચી ACBની એક સફળ ટ્રેપને અંજામ આપ્યો હતો જેમાં GSTના નાયબ રાજ્યવેરા કમિશનર  ACBએ રચેલી જાળમાં ફસાઈ ગયા હતા. GST અધિકારી નરસિંહ પાંડોર રૂપિયા એક લાખની લાંચ લેતા રંગેહાથ ઝડપાયા હતા જેમને ફરિયાદીનો બંધ GST નંબર ફરીથી ચાલુ કરવા લાંચ માંગી હતી, સમગ્ર ઘટનામાં GST અધિકારી નરસિંહ પાંડોર સાથે વકીલ અને અન્ય 2 વ્યક્તિ પણ લાંચ લેતા ઝડપાય ગયા છે. તમામની અટકાયત કરી ગુનો નોંધવાની તજવીજ હાથ ધરાઇ છે. 

તાપીમાં PI અને PSI લાંચ લેતા ઝડપાયા
તો બીજી તરફ તાપીમાં પણ ACBને હાથે લાંચ લેતા PI અને PSI ઝડપાયા છે. ફરીયાદી પાસે જમીનની મેટર લઇ એક લાખની લાંચ માંગ કરી હતી, જેમાંથી 50 હજાર દેવાના વદાળએ PI અને PSI ACB છટકામાં ફસાઇ ચૂક્યા હતા. ACBએ બંને અધિકારીઓને 50 હજારની લાંચ લેતા ઝડપી પાડ્યા છે. PSI પ્રતીક અમીન અને PI પ્રવીણ મકવાણાએ જિલ્લા કચેરીએ બેઠા બેઠા લાંચનો વહીવટ કર્યો હતો જે બાદ તાપી પોલીસની જિલ્લા કચેરીએથી તરકટ ગોઠવી ACBએ લાંચિયા પોલીસ અધિકારીની ધરપકડ કરી છે. ત્યારે મોટો સવાલ એ છે કે કેમ લાંચિયા અધિકારી ખુલ્લેઆમ પોતાની ફરજ ભૂલી લોકો પાસેથી રૂપિયા પડાવી રહ્યા છે. હજુ તો આવા ઘણા એવા અધિકારીઑ છે જે રોજ પોતાના મોઢા ભરી ઘરે જાય છે તેમના પર તવાઈ લાવવી જરૂરી છે. હાલ તો ACBની સફળ ટ્રેપના ગુજરાત ભરમાં વખાણ થઈ રહ્યા છે.

કોણ કોણ લાંચ લેતા ઝડપાયું

• 1 આરોપી નરસિંહ પાંડોર, GST અધિકારી
• 2 આરોપી કિશોર પટેલ, વકીલ અને ટેક્સ કન્સલ્ટન્ટ 
• 3 આરોપી ધર્મેશ ગોસ્વામી, વકીલના આસિસ્ટન્ટ
• 4આરોપી વિનય પટેલ, વકીલના આસિસ્ટન્ટ
• 5 PSI પ્રતીક અમીન, તાપી
• 6 PI પ્રવીણ મકવાણા, તાપી