Success Story / જે કામ સરકાર ન કરી શકી તે ગામના લોકોએ કરી બતાવ્યું, જાત મહેનતે બનાવ્યો 45 લાખનો ડેમ 

• 13 ગામના લોકોએ ભેગા મળી કર્યું આ કામ 
• પાણીની તંગીના કારણે જાતે જ બનાવી દીધો ડેમ 
• સરકારી મદદ વગર બનાવ્યો ડેમ 

રાજસ્થાનના બૂંદી જિલ્લાના નૈનવાં ઉપખંડ ક્ષેત્રના બામન ગામ પંચાયત ક્ષેત્રના 13 ગામોના લોકોએ અનોખુ કામ કરી બતાવ્યું છે. તેમણે વગર કોઈ સરકારી મદદ અને એન્જિન્યરે જળસ્તર સુધારવા માટે જનસહયોગથી 45 લાખની રકમ ભેગી કરી ભોમપુરા ગામની પાસે લાંબો ડેમ બનાવ્યો છે. ડેમ બનાવવા માટે ગ્રામીઓએ પોતાની 350 વીઘા જમીન આપી દીધી. ડેમ માટે ગામના લોકોએ 29 દિવસ સુધી રાત દિવસ નિર્માણ કાર્ય ચાલુ રાખ્યું હતું. 

પાણીની અછતના કારણે લીધો આ નિર્ણય
સતત ઓછા થઈ રહેલા ભૂગર્ભજળના સ્તરના કારણે ડાર્ક ઝોનની શ્રેણીમાં શામેલ બામન ગ્રામ પંચાયક ક્ષેત્રના લોકોએ પોતાના ભાગની 350 વીઘા જમીન આપીને દિવસ રાત કામ કરીને ડેમ બનાવ્યો છે. આ વિસ્તારમાં સતત ભૂગર્ભજળનું સ્તર નીચે જતુ જાય છે પાણી 800 ફૂટની પણ નીચે જતુ રહ્યું છે.

પીવા માટે પણ ન હતું પાણી
ગ્રામના લોકોને પીવાના પાણી માટે પણ આમથી તેમ ફરવું પડતુ હતું. તેનાથી પરેશાન થઈને ગ્રામ પંચાયત ક્ષેત્રમાં ભોમપુરા હીરાપુર, લાલગંજ, ખેરૂણા, બાગડા, નાથડા, નાથડી, ગુઢાદેવજી, ગાવડી, ભવાનીપુરા અને કરીરી સહિત 13 ગામના લોકોએ ડેમ બનાવવાનો નિર્ણય કર્યો. 

કઈ રીતે ભેગી કરી આટલી મોટી રકમ? 
સતત નીચે જઈ રહેલા ભૂગર્ભજળના સ્તરના કારણે મુશ્કેલીમાં રહેતા ગામના લોકોએ 350 વીઘા જમીન સહમતિથી ડેમ બનાવવા માટે આપી દીધી. ડેમ બનાવવા માટેનો રસ્તો નક્કી કરવામાં આવ્યો ત્યાર બાદ ક્ષેત્રના લોકો દ્વારા મંદિર બનાવવા માટે એકત્રિત કરેલા 19 લાખ રૂપિયાની રકમ અને સરસોનો પાકને સામુહિક રીતે વેચીને 15 લાખની રકમ એકત્રીત કરવામાં આવી. તે ઉપરાંત 11 લાખની બીજી રકમ જનસહયોગ દ્વારા જમા કરવામાં આવી.