ખૂબ જ ઓછા સમયમાં ટીમ ઇન્ડિયાના 'કપિલ દેવ' કહેવાતા હાર્દિક પંડ્યાનો આજે બર્થ ડે છે. 11 ઓક્ટોબર 1993ના જન્મેલો પંડ્યા આજે પોતાનો 26મો જન્મદિવસ ઉજવી રહ્યો છે. હાર્દિક પંડ્યાએ વનડે હોય કે T-20 કે પછી ટેસ્ટ રમી રહેલા 3 ફોર્મેટમાં પોતાની જગ્યા ખાસ બનાવી દીધી છે.
આજે છે હાર્દિક પંડ્યાનો બર્થ ડે
ટીમ ઇન્ડિયાનો સ્ટાર ઑલરાઉન્ડર છે હાર્દિક પંડ્યા
તાજેતરમાં લંડનમાં થયેલી સર્જરી પછી હોસ્પિટલમાં આરામ કરી રહેલો પંડ્યા આજે પોતાની સ્ટાઇલ સ્ટેટમેન્ટ, બિંદાસ સ્વભાવ અને લક્ઝૂરયિસ લાઇફસ્ટાઇલને કારણે ચર્ચામાં રહે છે, પરંતુ કોઇ પણ ખેલાડીએ પોતાની જિંદગીમાં ઘણા ઉતાર-ચઢાવ જોયા જ હોય છે. આ હાર્દિકં પંડ્યાની મહેનત અને લગન જ છે જેણે મેગી ખાઇને પેટ ભરી અને ઉધારની ક્રિકેટ કીટથી રમવાનું શરૂ કર્યુ હતુ. આજે આ સ્ટાર ઑલરાઉન્ડર પાસે બધુ જ છે.
હાર્દિક પંડ્યાએ વિપરીત પરિસ્થિતિઓનો સામનો કરીને સફળતા મેળવી છે. હાર્દિકની જિંદગી ઘણી પ્રેરણાદાયી છે. ગુજરાતના બરોડાના આ ઑલરાઉન્ડરને IPL થી ઓળખ મળી જેણે ઇન્ટરનેશનલ સ્તર પર મળેલી તકને સારી રીતે ઝડપી લીધી. હાર્દિક પંડ્યા હવે ટીમ ઇન્ડિયાના સૌથી સારા અને વિશ્વના સારા ઑલરાઉન્ડર્સની યાદીમાંથી એક છે.
જોકે હાર્દિક પંડ્યાના સોશ્યલ મીડિયા પર તેની પોસ્ટ જોઇને તમે અનુમાન લગાવી શકશો કે તે એકદમ લક્ઝૂરિયસ લાઇફસ્ટાઇલ જીવે છે. જોકે પંડ્યા પરિવારે શરૂઆતથી આવા દિવસો જોયા ન હતા. હાર્દિકના પિતા હિમાંશું પંડ્યા ગુજરાતના સુરતના ફાઇનાન્સને વેપાર કરતા હતા, તેમણે 1998માં કોઇ કારણોસર બંધ કરવો પડ્યો જે પછી પરિવારની સાથે બરોડા શિફ્ટ થઇ ગયા.
હાર્દિકના પિતા હિમાંશૂ પંડ્યા ક્રિકેટના શોખિન હતા અને પોતાના બંને દિકરા (હાર્દિક તથા ક્રૂણાલ)ને મેચ જોવા માટે લઇ જતા હતા અને અહીંયાથી હાર્દિક અને ક્રૂણાલને ક્રિકેટર બનવાની પ્રેરણા મળી હતી. ઘરની આર્થિક સ્થિતિ સારી ના હોવા છતાં હિમાંશૂએ પોતાના બંને દિકરાઓને વડોદરાની કિરણ મોરે એકડમીમાં મોકલ્યા અને જ્યાંથી હાર્દિકની ક્રિકેટર બનવાની યાત્રા શરૂ થઇ.
જોકે પૈસાની તંગીને કારણે હાર્દિકને ઘણો સંઘર્ષ કરવો પડ્યો હતો. ઑલરાઉન્ડર હાર્દિકે એક ઇન્ટરવ્યૂમાં કહ્યુ હતુ કે, ''આર્થિક સ્થિતિ સારી ના હોવાથી એવા પણ દિવસો જોયા છે કે જ્યાં દિવસમાં નાશ્તા અને ડિનર બંનેમાં માત્ર મેગી ખાધી હોય.''જોકે મોટેભાગે લોકો જાણતા હશે કે એથલીટની ડાયટ કેટલી હશે, પરંતુ પૈસાની તંગીને કારણે હાર્દિકે આજ ખાઇને સમય પસાર કર્યો હતો.
આ સિવાય હાર્દિકની પાસે ક્રિકેટ કીટ ખરીદવા માટે રૂપિયા પણ ન હતા. પ્રેક્ટિસ માટે તે પોતાના સાથી પાસે કિટ માંગીને બેટિંગ કરતો હતો. હાર્દિકની આ મહેનત સફળ થઇ અને ઇન્ડિયન પ્રીમિયર લીગ (IPL) માં તેની પસંદગી થઇ અને આજે જે છે તેનાથી આપણે સૌ કોઇ વાકેફ છે.