સફળતાની કહાની / કડીના નાનકડા ગામના યુવકે નોકરીની જગ્યાએ ઉભી કરી દીધી પોતાની IT કંપની

• જો લક્ષ્ય છે નક્કી તો સિદ્ધિ આપ મેળે મળશે 
• નોકરી નહીં ખુદના દમ પર મેળવી સફળતા
• આ છે સફળ યુવાની સફળતાની કહાની

કડીના ચંદનપુરા ગામમાંથી આવતા હિમાંશુ પટેલની સફળતાની કહાની. સામાન્ય રીતે યુવાનો કોલેજમાં આવે એટલે તેમનું એક જ લક્ષ્ય હોય છે. કોલેજ પુરી થાય એટલે સારી નોકરી શોધવી. પરંતુ હિમાંશુનું લક્ષ્ય તો પહેલાથી જ નક્કી હતું. તેણે તો લોકોની મદદ કરવાનું લક્ષ્ય બનાવ્યું હતું. હજુ તો તે બીટેક એન્જિનિયરિંગના છેલ્લા વર્ષમાં છે. ત્યાં તેણે અમદાવાદ સાયન્સ સિટી ખાતે પોતાની આઈટી કંપની ઉભી કરી દીધી છે. તે પણ લોક સેવાના ભાવથી. કેવી લોકસેવા આવો તેની પાસેથી જ જાણીએ.

સૌથી મહત્વની વાત તો એ છે કે, હિમાંશુએ સ્ટાર્ટપ ઈન્ડિયા અને ડિજીટલ ઈન્ડિયા અંતર્ગત આ કંપની ચાલુ કરી છે. એટલું જ નહીં તેના પ્રોજેક્ટથી ખુશ થઈને સરકાર તરફથી તેને 3 હજાર ડોલરની મદદ પણ મળી છે, તેનું લક્ષ્ય છે. નાનાથી નાના માણસને પણ ડિજિટલ ઈન્ડિયા સાથે જોડવા અને તે પણ ફ્રીમાં. તેનું ઉદ્દેશ્ય જ તેની સફળતાની ચાવી છે. ત્યારે આવા યુવા ટેલેન્ટને VTV બિરદાવે છે.

નિષ્ફળ થઈ નિસરણીથી ઘણીવાર હું ગબડ્યો,  
ત્યારે જઈ સફળતાની મંજિલે હું ચડ્યો.. 

ગોફણ, ગીલોલ એ વીંઝીને ગોળ ફેંક્યા દુનિયાએ, 
એ રાહમાં પથ્થરો ભેગા કરીને મે મારો રસ્તો ઘડયો..  

અડચણોના કંટકો ઘણા વિખરાયા હતા રાહ પર, 
ઓળંગી ધીરજથી તો જીંદગી એ સફળતાના લાહ્યો ધર્યો...

આ સફરમાં હતાશાને અવગણી હું આત્મશ્રદ્ધાને અનુસર્યો,
અંધારી અમાસ ઓળંગી પૂનમનો ચંદ્ર થઇને આભે ચડ્યો...

એકલ પંથી હું પ્રવાસી, મને હરીફોની કતારમાં લઇ જઇ રગડ્યો,
ત્યારે કોઈને પાછળ પાળીને નહીં પણ સૌને સાથે લઇને આગળ વધ્યો...

- ધ્રુવ પટેલ (અચલ)