ગ્રાહકો માટે રાહતના સમાચાર LPG સિલેન્ડરમાં થયો 133 રૂપિયા ઘટાડો

રસોઇ ગેસની વધતી કિંમતથી ઉપભોક્તાઓને રાહત મળી છે. સબ્સિડીવાળા રસોઇ ગેસ સિલેન્ડર 6.53 રૂપિયા સસ્તુ થયુ છે જ્યારે સબ્સિડીવગરના LPG સિલેન્ડરમાં 133 રૂપિયાનો ઘટાડો થયો છે. શુક્રવારથી દિલ્હીમાં સબ્સિડીવાળા 14.2 કિલોના ગેસ સિલેન્ડરનો ભાગ 500.90 રૂપિયા થયો છે જે અગાઉ 507.42 રૂપિયા હતો. દરેક રાજ્યમાં લાગૂ કરાયેલા ટેક્સના દર પ્રમાણે સિલેન્ડરનો ભાવ અલગ છે. સબ્સિડી વિનાનું ઘરેલું LPG સિલિન્ડરની કિંમત દિલ્હીમાં 809.50 રૂપિયા છે. 

આ ઘટાડા પહેલા જ સિલેન્ડરની કિંમતમાં 14.13 રૂપિયા સુધીની વુદ્ધિ થઇ હતી. નવેમ્બરમાં સબ્સિડીવાળા LPG સિલેન્ડરની કિંમતમાં 2.94 રૂપિયાનો વધારો થયો હતો. ઇન્ડિયન ઑઇલ દ્વારા કહેવામાં આવ્યુ કે ડિસેમ્બરથી દિલ્હીના ગ્રાહકો જ્યારે ઘરેલુ LPG સિલેન્ડર ખરીદશે તો 133 રૂપિયા ઓછા ચૂકવવાના રહેશે. એટલે જ પહેલા જે સિલેન્ડર 942.50 રૂપિયાનું હતું તે હવે 809.50 રૂપિયામાં મળશે. સબ્સિડાઈઝ્ડ કૂકિંગ ગેસ સિલેન્ડર ખરીદતા ગ્રાહકોના બેંક ખાતામાં 308.60 રૂપિયા સબ્સિડી જમા થશે. જો કે નવેમ્બરમાં 433.66 રૂપિયા સબ્સિડી જમા થતી હતી. 

કિમંતોના આધારે નક્કી થાય છે સબ્સિડી:

જોકે સરકાર વર્ષભરમાં 14.2 કિલોગ્રામ 12 સિલેન્ડરો પર સબ્સિડી આપે છે. જેમાં સબ્સિડીની રાશિને ઉપભોક્તાના બેંક ખાતામાં જમા થાય છે. સબ્સિડીની રકમ LPGની સરેરાશ આંતરરાષ્ટ્રીય બેન્ચમાર્ક કિંમત અને ફોરેન એક્સચેન્ડમાં વધારે કે ઘટાડા પર આધાર રાખે છે. છેલ્લા મહિનામાં કિંમતો વધી છે. કારણ કે LPG પરનો GST ઇંધણની બજાર કિંમત પર ગણવામાં આવે છે. સરકાર સિલિન્ડરની કિંમત પર સબ્સિડી આપે છે પણ ટેક્સ માર્કેટ પ્રાઇઝ પર ગણાય છે. જેનો બોજો ગ્રાહક પર પડે છે. જ્યારે માર્કેટ કિંમત કે સબ્સિડી વગરના LPG સિલેન્ડરની કિંમત ઘટે તો ટેક્સ ઘટે છે અને ગ્રાહકોને ફાયદો મળે છે.