GOOD NEWS: હોળી પહેલા મોદી સરકારની ભેટ ગેસ સિલેન્ડરમાં 45 રૂપિયા સુધીનો કર્યો ઘટાડો

હોળી પહેલા ઑઇલ કંપનીઓએ ગેસ સિલેન્ડરની કિંમતોમાં ઘટાડો કરીને પોતાના ગ્રાહકોને મોટી ભેટ આપી છે. આ વખતે નૉન સબસિડી ધરાવતા ગેસ સિલેન્ડરની સાથે સાથે સબસિડી ધરાતવા ગેસ સિલેન્ડરની કિંમતોમાં ઘટાડો કર્યો છે આ સાથે જ કૉમર્શિયલ ઉપયોગમાં આવનારા 19 કિલોના સિલેન્ડરની કિંમતમાં પણ ઘટાડો કરવામાં આવ્યો છે. સિલેન્ડરની આ નવી કિંમત 1 માર્ચથી લાગૂ થઇ ગઇ છે. ગેસ સિલેન્ડરની કિંમતોમાં કરાયેલા આ ઘટાડાની જાણકારી ઇન્ડિયન ઑઇલની ઑફિશ્યલ વેબસાઇટમાં આપવામાં આવી છે.

47 રૂપિયાનો ઘટાડો:

ઇન્ડિયન ઑઇલની ઑફિશ્યલ વેબસાઇટમાં આપવામાં આવેલી જાણકારી અનુસાર નૉન સબસિડી ધરાવતા 14.2 કિલોના ધરેલૂ સિલેન્ડરની કિંમતમાં 45.50 રૂપિયા પ્રતિ સિલેન્ડરથી લઇને 47 રૂપિયા પ્રતિ સિલેન્ડર સુધીનો ઘટાડો કર્યો છે. દિલ્હીમાં નૉન સબસિડી ધરાવતા ગેસ સિલેન્ડરની કિંમત 47 રૂપિયા ઘટાડીને 689 થઇ ગઇ છે જ્યારે કોલકાતામાં સિલેન્ડરની કિંમત 45.50 રૂપિયાના ઘટાડીને 711.40 રૂપિયા થઇ ગઇ છે. આ સિવાય મુંબઇમાં ગેસ સિલેન્ડરમાં 47 રૂપિયા ઓછા કરતાં તેની નવી કિંમત 661 રૂપિયા થઇ ગઇ છે. ચેન્નાઇમાં 46.50 રૂપિયા ઘટાડવામાં આવ્યા હવે નૉન સબસિડી ધરાવતા સિલેન્ડર માટે 699.50 રૂપિયા આપવાના રહેશે.

સબસિડી ધરાવતા સિલેન્ડર પણ સસ્તા:

સબસિડી ધરાવતા રસોઇ ગેસ સિલેન્ડરની કિંમતમાં ઇન્ડિયન ઑઇલે 2.5 રૂપિયાથી વધારે ઘટાડો કર્યો છે. હવે 1 માર્ચથી સબસિડી ધરાવતા સિલેન્ડર માટે દિલ્હીમાં 493.09 રૂપિયા આપવા પડશે કોલકાતામાં  2.53 રૂપિયાનો ઘટાડો કર્યા પછી નવી કિંમત અનુસાર ગ્રાહકોને 496.60 રૂપિયા અને મુંબઇમાં 2.55 રૂપિયાનો ઘટાડો થતાં નવી કિંમત 490.80 રૂપિયા થઇ ગઇ છે. જ્યારે ચેન્નાઇમાં સિલેન્ડરની કિંમત 2.48 રૂપિયાના ઘટાડા પછી 481.21 રૂપિયા આપવાના રહેશે.

કોમર્શિયલ સિલેન્ડર પણ સસ્તા:

19 કિલો ધરાવતા કૉમર્શિયલ સિલેન્ડરની કિંમતમાં 77 રૂપિયાથી લઇને 80 રૂપિયા સુધીનો ઘટાડો કર્યો છે. દિલ્હીમાં તેની કિંમત 78.50 રૂપિયા ઘટાડીને  1230 રૂપિયા કોલકાતામાં 77  રૂપિયા ઘટાડીને 1270.50 રૂપિયા મુંબઇમાં 79 રૂપિયા ઘટાડીને 1181 રૂપિયા અને ચેન્નાઇમાં 80 રૂપિયા ઘટાડીને 1307 રૂપિયા પ્રતિ સિલેન્ડર થઇ છે.