યૂટિલિટી / આધાર કાર્ડ વિના પણ મળી શકે છે LPG સબ્સિડી, કરી લો આ કામ

• આધાર કાર્ડ વિના પણ મળી શકશે સબ્સિડી
• ગેસ કનેક્શન સાથે આધાર કાર્ડ લિંક હોવું જરૂરી
• ગેસ બુકિંગ સમયે સબ્સિડી સીધી બેંક ખાતામાં મળશે

સરકાર LPG ગેસના બુકિંગ પર મળનારી સબ્સિડી સીધી બેંક એકાઉન્ટમાં આપે છે. તેના કારણે તમારા બેંક એકાઉન્ટની સાથે આધાર કાર્ડ લિંક હોવું જરૂરી છે. જો તમારી પાસે આધાર કાર્ડ નથી તો  તમે તમારું કાર્ડ બેંક કે ગેસ એજન્સી સાથે લિંક નથી કર્યું તો પણ તમને ગેસની સબ્સિડી મળી શકે છે.

જાણો સબ્સિડી મેળવવા શું કરવાનું રહેશે
 
આધાર કાર્ડ વિના સબ્સિડી મેળવવા માટે ગ્રાહકે પોતાની ગેસ એજન્સીમાં જઈને એલપીજી ડિસ્ટ્રીબ્યુટરને બેંક ખાતા નંબર આપવાનો રહેશે. આમ કરવાથી ગ્રાહકની સબ્સિડીની રકમ સીધી તેના ખાતામાં જમા થશે. આ સુવિધા તે ગ્રાહકોને અપાઈ છે જેમની પાસે આધાર કાર્ડ નથી. તેનાથી તેને યોજનાનો લાભ મળી શકશે. 

ગ્રાહકે આ ચીજોને સાથે રાખવાની રહેશે

આ સમયે તમારે બેંક ખાતાની જાણકારીની સાથે ખાતાધારકનું નામ, બેંકની ખાતા સંખ્યા અને બેંકની બ્રાન્ચની સાથે સાથે આઈએફએસસી કોડ અને 17 અંકનો એલપીજી કન્ઝ્યુમર આઈડી આપવાનું રહેશે. 
 

LPG ને આધાર સાથે આ રીતે કરી લો લિંક

તમારા LPG કનેક્શનને આધાર સાથે લિંક કરવા માટે તમારે રજિસ્ટર્ડ મોબાઈલ નંબરથી કસ્ટમર કેર નંબર 1800 2333 555 પર કોલ કરવાનો રહેશે. આ પછી કસ્ટમર કેર ઓફિસરને તમારો આધાર નંબર આપવાનો રહેશે અને તેનાથી તમે તમારા ગેસ કનેક્શનની સાથે આધાર નંબરને લિંક કરી શકો છો.