ડિઝનીએ 21st સેન્ચુરી ફોક્સને એક્વાયર કરી ત્યાર બાદ હવે ભારતમાં પણ મીડિયાની મોટી ડીલ થવા જઈ રહી છે. સૂત્રોનુાસર Zee એન્ટરટેનમેન્ટે મંગળવારે જણાવ્યું કે સુભાષ ચંદ્રાના નેતૃત્વમાં તેમના પ્રમોટર્સ કંપનીમાં પોતાના ઇક્વિટીના 50% સ્ટ્રેટર્જિક પાર્ટનર્સ વેચવાની યોજના બનાવી રહ્યા છે.
સોશ્યલ મીડિયા રિપોર્ટ્સ અનુસાર પ્રમોટર્સ આ હિસ્સો વેચવાથી જે મૂડી મળે તેનો ઉપયોગ નવી ટેક્નોલોજીનો વિકાસ કરવામાં વાપરવા માગે છે. Zee કંપની નવી ટેક્નોલોજી આધારિત મીડિયા કંપનીમાં પરિવર્તિત થવા માંગે છે. Zee એન્ટરટેનમેન્ટ એન્ટરપ્રાઈઝ લિમિટેડે જણાવ્યું કે તેના પ્રમોટર્સે 50 ટકા ઈક્વિટીનો હિસ્સો વેચવાની તૈયારી દર્શાવી છે. ચંદ્રાએ દિવાળી પછી મુંબઇમાં એક બેઠક યોજી હતી જેમાં આ નિર્ણય લેવામાં આવ્યો છે.
Zee એન્ટરટેનમેન્ટ ચંદ્રાનો હિસ્સો 41.6% છે. કંપનીની માર્કેટ વેલ્યુ 42 088 કરોડ છે. 2017-18માં કંપનીની રેવન્યુ 7126 કરોડ અને પ્રોફિટ 1478 કરોડ રૂપિયા છે. Zee ગ્રુપ પાસે 7 લિસ્ટેડ અને બીજી અનેક અનલિસ્ટેડ કંપનીઓ છે.
Zeeમાં ખરીદદારોમાં અનેક નામની ચર્ચા છે પરંતુ મુકેશ અંબાણીની કંપની રિલાયન્સ ઇન્ડસ્ટ્રીઝનું નામ સૌથી ટોચ પર છે.