અજબ ગજબ / VIDEO: ભારતમાં અહીં આવેલી છે 'સોનાની નદી', પાણી સાથે વહે છે સોનાના દાણા!

આપણા ભારતને તો નદીઓનો દેશ કહેવામાં આવે છે કારણ કે અહીં 400થી વધુ નાની-મોટી નદીઓ વહે છે. દેશભરમાં વહેતી દરેક નદીઓની અલગ અલગ વિશેષતાઓ છે પણ શું તમે ક્યારેય એવી નદી વિશે સાંભળ્યું છે જેના પાણીની સાથે સોનું પણ વહે છે અને આ કારણે તેને સોનાની નદી કહેવામાં આવે છે.

આ નદી ભારતના ઝારખંડમાં આવેલી છે અને આ નદીને ગોલ્ડન લાઇન એટલે કે સ્વર્ણ રેખા નદી તરીકે ઓળખવામાં આવે છે. સ્થાનિક લોકો તેને સોનાની નદી કહે છે અને આ નદી રાંચીથી 16 કિલોમીટર દૂર દક્ષિણ-પશ્ચિમ ક્ષેત્રમાં સ્થિત નગડી ગામમાંથી નીકળે છે. ઝારખંડથી ઉદ્ભવતી આ નદી ઓડિશા પશ્ચિમ બંગાળ અને બાલાસોર થઈને બંગાળની ખાડીમાં આવે છે અને આ નદીની લંબાઈ 474 કિલોમીટર છે. કહેવાય છે કે આ નદીની રેતીમાંથી લોકો સોનું મળે છે. આ જ કારણ છે કે આ નદી ઘણા લોકો માટે આજીવિકાનું કારણ પણ બની છે.

હવે સૌથી મોટો પ્રશ્નએ છે કે આ નદીમાં સોનું આવે છે ક્યાંથી. જો કે આ અંગે કોઈને કોઈ માહિતી નથી અને તે હજુ પણ એક રહસ્ય છે પણ ઘણા ભૂસ્તરશાસ્ત્રીઓનું માનવું છે કે આ નદી અનેક ખડકોમાંથી પસાર થાય છે અને આ ખડકોમાંથી મળેલા સોનાના ટુકડા ઘર્ષણને કારણે તૂટી જાય છે અને રેતીમાં ભળી જાય છે એ બાદ પાણી સાથે વહીને નદીને કાંઠે આવી જતાં હોય છે.

પાણી સાથે વહેતા સોનાને કારણે આ નદી સ્વર્ણરેખા નદી તરીકે ઓળખાય છે, એવું કહેવાય છે કે અહીંના સ્થાનિક આદિવાસીઓ સવારે આ નદી પર જાય છે અને દિવસભર રેતીમાંથી શોધી શોધીને સોનાના કણો એકત્રિત કરે છે. આ વિસ્તારોમાં રહેતા પુરૂષો, સ્ત્રીઓ અને બાળકો સવારે ઉઠીને નદીમાંથી સોનું ભેગું કરવા જાય છે અને તેને વહેંચીને પૈસા કમાઈ છે.

વધુ વાંચો: ભારતની આ જગ્યા પર આવેલું છે મહાભારતના સૌથી મોટો વિલનનું મંદિર

આ નદીમાંથી મળતા સોનાના કણો ચોખાના દાણા જેટલા અથવા તેના કરતા નાના હોય છે અને કહેવય છે કે ત્યાંનાં લોકો આ કણ વેચીને 80 થી 100 રૂપિયા કમાય છે અને એમ પણ કહેવાય છે કે બજારમાં એક કણની કિંમત 300 રૂપિયા કે તેથી વધુ હોય છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ