બાપ રે બાપ / VIDEO: ડુક્કરનાં પ્રેમમાં દિવાની થઈ ગઈ મહિલા, 3 વર્ષમાં 250 કિલો થઈ ગયું વજન

• બ્રાઝીલમાં એક મહિલા ડુક્કરના પ્રેમમાં દીવાની થઇ
• લારાએ પોતાના ડુક્કર માટે એક બેડરૂમ બનાવ્યો
• લારાનું આ ડુક્કર અઢીસો કિલો વજનવાળુ થયુ

ત્રણ વર્ષ બાદ મિની પિગ હવે અઢીસો કિલો વજનવાળો ડુક્કર બન્યો

આ બેડરૂમમાં ડુક્કર ગાદલા પર આરામથી સૂતો છે અને પંખો ચાલી રહ્યો છે. વ્યવસાયે શિક્ષિકા લારા ત્રણ વર્ષ પહેલાં માર્કેટમાંથી એક નાનુ ડુક્કરનુ બચ્ચુ લઇને આવી હતી. પરંતુ તે પોતાના ડુક્કરને એટલો પ્રેમ કરે છે કે તેને ખવડાવીને માત્ર 3 વર્ષમાં જ 250 કિલોગ્રામનો કરી દીધો છે. ત્રણ વર્ષ બાદ મિની પિગ હવે અઢીસો કિલો વજનવાળો ડુક્કર બની ગયો છે. લારાએ પોતાના ડુક્કરનુ નામ લિલિકા રાખ્યુ છે. 

This is Lilica, a pet pig in Brazil, that weighs 550 pounds 🐖 https://t.co/Ks7xpDqzme pic.twitter.com/rvg7qPXHg9

— Reuters (@Reuters) December 10, 2021

વજનદાર ડુક્કરને ખૂબ પ્રેમ કરે છે લારા

લારા જણાવે છે કે જ્યારે તે ડુક્કરના નાના બચ્ચાને માર્કેટમાંથી લઇને આવી હતી ત્યારે તેને લાગતુ હતુ કે ડુક્કર નાનુ જ રહેશે. લારા ડુક્કરના બચ્ચાને પોતાના ખોળામાં લઇને ફરતી હતી. જોકે, ધીરે-ધીરે ડુક્કરનુ વજન વધવા લાગ્યુ અને આજે લિલિકા અઢીસો કિલોનુ થયુ છે. ત્યારબાદ પણ લારા લિલિકાને ખૂબ પ્રેમ કરે છે. જોકે, લિલિકાને ખાવાનુ ખવડાવવુ હવે લારા માટે પડકારજનક બની રહ્યું છે. 3 વર્ષની લિલિકા દરરોજ પાંચ થી છ કિલો ફળ અને શાકભાજી ખાઈ જાય છે. લારા માટે લિલિકાનું ખાવાનુ ખૂબ મોંઘુ પડી રહ્યું છે.