ટીકટોક, ફેસબુક સહિત અનેક જગ્યાએ આપણે વીડિયો જોતા હોઇએ છીએ કે લોકો ફેમસ થવા માટે પોતાના જીવને જોખમમાં મુકીને વીડિયો બનાવતા હોય છે. ત્યારે આ પ્રકારનું જોખમ લેવાથી મહામૂલી જીંદગી ગુમાવવાનો વારો પણ આવી શકે છે. આવું જ બન્યું છે રાજકોટમાં. મિત્રો સાથે રોડ પર આડેધડ સ્ટંટ કરવો ભારે પડ્યો છે.
રાજકોટ યુવકોને સ્ટંટ પડ્યો ભારે
પડધરી રાજકોટ હાઇવે પર અકસ્માત
સ્ટંટમાં બે યુવકોએ ગુમાવ્યો જીવ
રાજકોટના યુવકોનો સ્ટંટ દરમિયાન પડધરી રાજકોટ હાઇ-વે પર અકસ્માત થયો હતો. આ સ્ટંટમાં બે યુવકોએ જીવ ગુમાવવાનો વારો આવ્યો છે. મોડી રાતે બાઈક પર સુતા સુતા બાઇક ચલાવી રહ્યા હતાં. સુતા સુતા બાઇક ચલાવતા અકસ્માત સર્જાયો હતો. વીડિયોમાં સ્પષ્ટ દેખાઇ છે કે યુવકો સુતા સુતા બાઇક ચલાવે છે બાદમાં બેઠા થવા સમયે જ આગળના બાઇક સાથે બીજી બાઇક અથડાય છે અને ગંભીર અકસ્માત બને છે.
જોખમી સ્ટંટ કરવાના શોખીન બે યુવકના રાજકોટમાં મોત થયા છે. ત્યારે આ અકસ્માતના વીડિયો અને ફોટા સોશિયલ મીડિયા પર વાયરલ થયા છે. જોકે આ ઘટના અંગે પોલીસ ખુદ અજાણ છે. પોલીસ દ્વારા વીડિયોના આધારે તપાસ હાથ ધરી છે.
જોકે આ વીડિયો અગાઉ જામનગર રોડના નામે વાયરલ થયો હતો. ત્યારે હવે એવું અનુમાન લગાવવામાં આવી રહ્યું છે કે, આ વીડિયો પડધરી રાજકોટ હાઇ-વેનો છે. આ ઘટના 2-3 દિવસ અગાઉની હોવાનું ચર્ચાઇ રહ્યું છે.