વજન ઓછુ કરવા અથવા સ્લિમ ફિટ રહેવા માંગતા લોકો ડાયેટ કરતા પહેલા વિચારજો
ડાયેટ કરતા લોકો સાવધાન
શરીર પર ખરાબ અસર કરે છે આ ડાયેટ
ઝડપી વજન ઘટાડવું પડી શકે ભારે
કીટો ડાયેટ પાછલા ઘણા સમયથી ખૂબ જ ટ્રેન્ડમાં છે. વજન ઓછું કરવા અથવા સ્લિમ ફિટ રહેવા માંગતા લોકોની વચ્ચે કીટો ડાયેટ ખૂબ ફેમસ છે. હકીકતે વધુ લો-કાર્બોહાઈડ્રેટ ડાયેટ હોવાના કારે કીટો ડાયેટ ઝડપથી વજન ઘટાડે છે. જોકે અમુક એક્સપર્ટ્સે કીટો ડાયેટથી થતા નુકસાનને જોતા લોકોને ચેતવ્યા છે.
કઈ રીતે કરે છે શરીર પર અસર?
ઘણા હેલ્થ એક્સપર્ટ એવુ માને છે કે કીટો ડાયેટ ખતરનાક અને લોન્ગ ટર્મ્સ ડિસીઝનું કારણ પણ બની શકે છે. તેને લઈને હાલમાં જ એક રિપોર્ટ પણ પ્રકાશમાં આવ્યો છે. આ ઉપરાંત અમેરિકા અને કેનેડાની સંસ્થાઓમાં પણ લગભગ 123 જુની સ્ટડીઝનું વિશ્લેષણ કરવામાં આવ્યું છે. સંશોધકોને જાણવા મળ્યું કે કોટીજેનિક ડાયેટ ન ફક્ત કાર્બોહાઈડડ્રેટની ખપતને સીમિત કરે છે પરંતુ તેમાં મેટાબોલિઝમની કાર્યશૌલી પણ પ્રભાવિત થાય છે.
વિશ્લેષણના આધાર પર સંશોધકોએ અહીં પણ જણાવ્યું કે કીટોજેનિક ડાયટના નુકસાન તેના ફાયદાથી વધુ છે. તેમણે કહ્યું કે કીટો ડાયેટમાં હાજર માંસ, ચીઝ, ઓઈલ સહિત અમુક મુખ્ય કોમ્પોનેન્ટના કારણે શરીરને ખાસ પ્રકારના પોષક તત્વો નથી મળી શકતા. આજ કારણ છે કે કીટો ડાયટ પર રહેતા લોકોમાં અમુક બિમારીઓનું જોર વધારે હોય છે.
જોર્જ વોશિંગટન યુનિવર્સિટીના સ્કૂલ ઓફ મેડિસિલના પ્રોફેસર નીલ બરનાર્ડ કહે છે, "કીટો ડાયેટમાં હાજર ફૂડ પ્રોડક્ટ્સ આંતરડાના કેન્સર, હાર્ટ ડિસીઝ અને એલ્ઝાઈમર જેવી બિમારીઓનું કારણ બની શકે છે." સ્ટડીમાં એવો પણ દાવો કરવામાં આવ્યો છે કે કીટોજેનિક ડાયેટ કિડની સાથે જોડાયેલી મુશ્કેલી ડાયાબિટીઝ જાવી બિમારીઓને પણ ટ્રિગર કરે છે.
શું હોય છે કીટો ડાયેટ?
કીટો ડાયેટમાં કાર્બ્સની ફેટ વાળી વસ્તુઓ આપવામાં આવે છે. જેમાં મીટ, ફેટી ફિશ, ઈંડા, માખણ અને ક્રીમ, ચીઝ, અખરોટ, બદામ, ઓઈલ, એવાકાડો, લીલા શાકભાજી અને ઘણા પ્રકારના મસાલાઓનો સમાવેશ થયા છે.