અમેરિકામાં કોરોનાને લઈને થયેલા એક રિસર્ચમાં દાવો કરવામાં આવ્યો છે કે ઓમિક્રોન માટે થઈને અલગથી કોઈ બુસ્ટર ડોઝ લેવાની જરૂર નથી.
અમેરિકામાં ઓમિક્રોનને લઈને એક રિસર્ચ થયું છે
હવે બુસ્ટર ડોઝની કોઈ ખાસ જરૂરિયાત નથી
વાનરો પર થયેલ રિસર્ચમાં સામે આવ્યું તારણ
કોરોનાના ઓમિક્રોન વેરિયન્ટને લઈને રોજ નવા સંશોધનો પ્રસિદ્ધ થતાં રહે છે. હવે એક નવા સંશોધનમાં અમેરિકી સરકારના કેટલાક સંશોધકોએ કહ્યું છે કે ઓમિક્રોનને લઈને બુસ્ટર ડોઝ લેવાની પણ કોઈ આવશ્યકતા નથી.
વાંદરાઓ પર થયું રિસર્ચ
આ સંશોધન વંદરાઓ પર કરવામાં આવ્યું હતું. વંદરાઓમાં ઓમિક્રોન સ્પેશ્યલ બુસ્ટર ડોઝ અને મોડર્ના કોવિડ 19 બુસ્ટર ડોઝ આપવામાં આવ્યો હતો. બંનેના પરિણામોમાં ખાસ કોઈ ડિફરન્સ જોવા મળ્યો નહોતો.
નવા બુસ્ટર ડોઝની જરૂર નહીં
આ કારણે હવે સંશોધકો એ તારણ પર પહોંચ્યા હતા કે ઓમિક્રોન વેરિયન્ટ માટે ખાસ એક નવા બુસ્ટર ડોઝની જરૂર નથી. જો કે આ શોધ વિશે હજુ સમીક્ષા બાકી છે અને તેના અંતિમ પરિણામો આવ્યા નથી.
મોડર્નાની ટ્રેડિશનલ અને નવી બુસ્ટર ડોઝ લગાવવામાં આવી
આ રિસર્ચમાં વંદરાઓ પર મોડર્ના વેક્સિનના ડોઝ લગાવવામાં આવ્યા હતા. જેમાં બંનેનો સમાવેશ થતો હતો એક જે ટ્રેડિશનલિ આપવામાં આવી રહ્યો છે તે અને બીજો બુસ્ટર ડોઝ લગાવવામાં આવ્યો હતો. શોધકોએ નોંધ્યું હતું કે બુસ્ટર ડોઝ તમામ વેરિયન્ટ વિરુદ્ધ એન્ટિબોડી રીએક્શનને બેઅસર કરવામાં મહત્વપૂર્ણ વૃદ્ધિ નું ઉત્પાદન કરે છે. આ રિસર્ચમાં સાથી શોધક નેશનલ ઇન્સ્ટિટ્યૂટ ઓફ એલર્જી એન્ડ ઇન્ફેકશીયસ ડીસીઝના વેક્સિન શોધક ડેનિયલ ડોકે કહ્યું હતું કે આ ખૂબ સારા સમાચાર છે. જેનો અર્થ એ છે કે આપણે ઓમિક્રોન માટે નવી વેક્સિન લેવાની જરૂર જ નથી.
હ્યૂમન ડેટાની જરૂર પડશે
માઇક્રોબાયોલોજી અને ઇમ્યુનોલોજીના પ્રોફેસર જોન મૂરે જણાવ્યું હતું કે આ સંશોધનથી એવો ફાયદો મળશે કે સંશોધકો પ્રાણીઓ પર વધુ પ્રયોગો કરી શકશે. તેમને વાયરસથી સંક્રમિત કરીને, રોગપ્રતિકારક પ્રતિભાવ માપી શકાય છે. આ વાનર અભ્યાસ સામાન્ય રીતે ખૂબ જ અંદાજિત હોય છે, પરંતુ તમારે વધારે હ્યૂમન ડેટાની જરૂર પડશે. Moderna અને Pfizer એ તેમની રસીના ઓમિક્રોન-વિશિષ્ટ બૂસ્ટર ડોઝનું માણસોમાં પરીક્ષણ કરવાનું શરૂ કર્યું છે.
અમેરિકામાં અત્યાર સુધીમાં 9 લાખથી વધુ લોકોએ જીવ ગુમાવ્યા છે
અમેરિકાની જોન્સ હોપકિન્સ યુનિવર્સિટી દ્વારા સંકલિત ડેટા દર્શાવે છે કે અમેરિકામાં અત્યાર સુધીમાં 900,000 થી વધુ લોકો કોરોના વાયરસથી મૃત્યુ પામ્યા છે. દેશમાં વિશ્વના અન્ય કોઈપણ દેશ કરતાં વધુ કોવિડ મૃત્યુ નોંધાયા છે. તે જ સમયે, રાષ્ટ્રપતિ જો બિડેને લોકોને રસી અપાવવાની અપીલ કરી અને કહ્યું કે અમે લોકો માટે પ્રાર્થના કરીએ છીએ.