રિપોર્ટ / બાળકોના ઉછેર માટે 70 % માતાઓ લઇ રહી છે સ્માર્ટફોનનો સહારો

ટેક્નોલોજીએ પેરેન્ટિંગ બનાવ્યું સરળ

ભારતની 10માંથી 8 માતાઓએ સ્વીકાર કર્યો છે કે ટેક્નોલોજીએ પેરેન્ટિંગને ઘણું સરળ બનાવી દીધું છે. આમ તો બાળકોના યોગ્ય ઉછેર માટે સ્માર્ટફોન સૌથી વધારે યૂઝ થનાર ડિવાઇસ છે. છતા માત્ર 38 ટકા લોકો એવા છે કે જે પોતાના પરિવાર અથવા મિત્રોને સ્માર્ટફોન યૂઝ કરવાની સલાહ આપે છે. ઇન્ટરનેટ-બેઝ્ડ માર્કેટ રિસર્ચ અને ડેટા એનાલિટિક્સ ફર્મ યૂગોવ(YouGov)એ એક સ્ટડી કર્યું છે જેમા એ વાત સામે આવી છે કે ભારતમાં લગભગ 70 ટકા માતા પેરેન્ટિગં ટિપ્સ માટે સ્માટફોન અને પેરેન્ટિંગ એપ્સનો ઉપયોગ કરે છે. 

ઓનલાઇન બ્લોગ રેફર કરે છે 50 ટકા માતા

જોકે સ્ટડીમાં એ વાત પણ સામે આવી છે કે જ્યારે પેરેન્ટિંગ સાથે જોડાયેલી માહિતીની વાત આવે છે ત્યારે ભારતમાં હજુ પણ માતા પરિવાર અને ઓફલાઇન સપોર્ટ ગ્રુપ પર વિશ્વાસ મુકે છે. બીજી તરફ 50 ટકા યંગ અને ન્યૂ મોમ્સ એવી છે કે જે બાળકોના ઉછેર સાથે જોડાયેલા મુદ્દા માટે ઓનલાઇન બ્લોગ્સ અને એપ્સ દ્વારા જાણકારી મેળવે છે. આ સર્વે માટે યૂગોવે 12 મહીનાથી ઓછી ઉંમરના બાળકોથી લઇને 18 વર્ષ સુધીના બાળકોની માતાનો ઇન્ટરવ્યૂ લીધો હતો. બાદમાં તેમને 2 ગ્રુપમાં વહેંચી દેવાયા- યંગ મોમ્સ અને ઓલ્ડ મધર્સ.