માનવસેવા / પાલનપુરના 2 વિદ્યાર્થીઓની અનોખી સિદ્ધિ, પ્રજ્ઞાચક્ષુઓ માટે બનાવી બ્લાઇન્ડ સ્ટિક, જુઓ કેવી રીતે કરશે મદદ

• અંધ વ્યક્તિઓ માટે બનાવી સેન્સરવાળી સ્ટિક 
• ધોરણ 8ના વિદ્યાર્થીઓએ કર્યો ગજબનો કમાલ 
• સ્ટીક દ્વારા અંધ વ્યક્તિઓ પોતાનું રક્ષણ કરી શકશે

પાલનપુરના બે વિદ્યાર્થીઓએ અંધ વ્યક્તિઓના રક્ષણ માટે બ્લાઇન્ડ સ્ટીક તૈયાર કરી છે. જે આવાનારા સમયમાં અંધ વ્યક્તિઓ માટે ઘણીજ મદદરૂપ બની રહેશે. કારણકે અંધ વ્યક્તિ તે બ્લાઇન્ડ સ્ટીક લઇ માર્ગ પર પસાર થશે અને સામે ખતરો આવે તો સાયરન દ્વારા અંધ વ્યક્તિને સ્ટીક સુચીત કરશે..ત્યારે આ બ્લાઇન્ડ સ્ટીકથી અંધ વ્યક્તિઓ પોતાનું રક્ષણ જાતે કરી શકશે.

 

 

 

 

View this post on Instagram

 

 

 

 

 

 

 

 

 

 

 

A post shared by VTV Gujarati News and Beyond (@vtv_gujarati_news)

બંને વિદ્યાર્થીઓ ધોરણમાં 8માં અભ્યાસ કરે છે

સાંભળીને આપને નવાઈ લાગશે કે ધોરણ-8ના બે વિદ્યાર્થીઓ દ્વારા આ સ્ટિક તૈયાર કરવામાં આવી છે. પાલનપુરની શાળામાં ધોરણ-8 માં અભ્યાસ કરતા બે વિદ્યાર્થીઓએ પોતાના ગણિત વિજ્ઞાન પ્રદર્શનમાં અંધ વ્યક્તિઓ પોતાનું સ્વ-રક્ષણ  કરી શકે તેવી બ્લાઇન્ડ સ્ટીક તૈયાર કરી છે.જેથી અંધ વ્યક્તિ આ સ્ટીક લઇ રોડ પરથી પસાર થશે અને સામે કોઇ ખતરા જનક વસ્તુ આવે તો અંધ વ્યક્તિને એક થી દોઢ ફૂટ અંતરે આ સ્ટીક સાયરન મારફત સુચીત કરશે.જેથી તે વ્યક્તિ અકસ્માતનો ભોગ બનતા બચી જશે.આ પ્રોજેક્ટ તાલુકા કક્ષાએ પસંદગી પામ્યો છે.

શિક્ષક હિતેનભાઈ પટેલના માર્ગદર્શન દ્વારા સ્ટીક તૈયાર કરી 

વિદ્યા મંદિર ટ્રસ્ટ સંચાલિત આઇ.જે.મહેતા વિનય મંદિરમાં ધોરણ-8 માં અભ્યાસ કરતા બે મિત્રો યોગેન્દ્ર રાવ અને આર્યન વ્યાસ એક દિવસ માર્ગ ઉપરથી પસાર થઇ રહ્યા હતા.તે સમયે અંધવ્યક્તિની વેદના જોઇ તેમને અંધ વ્યક્તિઓ પોતાનું રક્ષણ જાતે કરી શકે અને સામે આવેલા ખતરાથી રક્ષણ મેળવી શકે તે માટે શિક્ષક હિતેનભાઇ પટેલના માર્ગદર્શન હેઠળ સેન્સર સ્ટીક તૈયાર કરવામાં આવી છે.

દોઢ ફૂટના અંતરેજ સાયરન વાગવા લાગશે 

આ સ્ટીક લઇ અંધ વ્યક્તિ પસાર થતા હોય તે સમયે એક થી દોઢ ફૂટ ના અંતરે આવતા ખતરાને સ્ટીક સેન્સર દ્વારા કેચપ કરી તે સ્ટીકમાં સાયરન વાગશે.જેના થકી અંધ વ્યક્તિ સામેના ખતરા બાજુ જવાનું ટાળી પોતાની યોગ્ય દિશા તરફ જઇ પોતાનું રક્ષણ જાતે કરી શકશે.જેથી કેટલીક વખત અંધવ્યક્તિઓ પોતાની આંખોના કારણે અકસ્માતો થવા,પડી જવાથી ગંભીર ઇજાઓ થવી સહીતની દૂરઘટનાઓથી સાવચેતી રાખી શકશે.આ પ્રોજેક્ટમાં સ્ટીક,અલ્ટ્રાસોનિક સેન્સર,ભેજ સેન્સર,મેટલ પ્લેટ્સ, બઝર,બેરલ જેક કનેક્ટર સાથેની બેટરી,પરચુરણ (વાયર, સોલ્ડર, વગેરે) સહિત ઉપયોગ માં લેવામાં આવ્યું છે