સ્વાગત / ઝુકતી હે દુનિયા ઝુકાને વાલા ચાહિએ ! મિશન ગંગાના પોસ્ટરો સાથે યુક્રેનથી પરત ફરેલા વિદ્યાર્થીઓએ PM મોદીને આવકાર્યા 

• યુક્રેનથી પરત ફરેલા વિદ્યાર્થીઓએ PMમોદીને આવકાર્યા 
• ઓપરેશન ગંગા અંતર્ગત બેનર્સ, પોસ્ટર્સ સાથે PM મોદીનું કરાયું સ્વાગત 
• યુક્રેનથી પરત ફરેલા મોટી સંખ્યામાં વિદ્યાર્થીઓ PMના સ્વાગતમાં જોડાયા

યુક્રેનથી પર આવેલા વિદ્યાર્થીઓ PM મોદીનું અભિવાદન કર્યું 

અમદાવાદ એરપોર્ટ પર વડાપ્રધાન નરેન્દ્ર મોદીનું રાજ્ય સરકાર દ્વારા પ્રોટોકોલ પ્રમાણે સ્વાગત કરવામાં આવ્યું હતું. આ ઉપરાંત એરપોર્ટની બહાર યુક્રેનથી પર આવેલા ગુજરાતી વિદ્યાર્થીઓ ઓપરેશન ગંગા અંતર્ગત પોસ્ટર, પ્લે કાર્ડ સાથે PM મોદીનું અભિવાદન કર્યું હતું. ઉલ્લેખનીય છે કે, વિદ્યાર્થીઓ વહેલી સવારથી જ પોતાના વાલીઓ સાથે સર્કિટ હાઉસ સાથે આવ્યાં હતાં. 

દેશની અલગ અલગ સંસ્કૃતિને કલાકારો રજુ કર્યું 

ઉલ્લેખનીય છે કે, કોરોનાકાળ પછી પ્રથમ વખત PM મોદી 11 અને 12 માર્ચ એમ બે દિવસ ગુજરાતની મુલાકાતે આવ્યાં છે. જેમના અભિવાદન માટે મોટી સંખ્યામાં આવ્યાં હતાં. વડાપ્રધાનનું સ્વાગત કરવા માટે  એરપોર્ટથી કમલમ સુધીના રસ્તા પર મયુર ડાન્સ, કુચીપુડી, ભારતનાટ્યમ જેવી પ્રસ્તુતિથી વડાપ્રધાનનું સ્વાગત કરાવામાં આવ્યું હતું 

6000થી વધુ પોલીસ અધિકારી-કર્મચારીઓની બાજનજર

PM મોદીના આગમન પહેલાં સરદાર પટેલ સ્ટેડિયમ ખાતે અમદાવાદ પોલીસના ઉચ્ચ અધિકારીઓની બેઠક મળી હતી, જ્યાં તમામ અધિકારીઓ અને કર્મચારીઓ માટે પોઈન્ટ નક્કી કરવામાં આવ્યા છે. PMની સુરક્ષામાં હથિયારી ગાર્ડ પણ છે.રોડ-શોમાં  વિરોધ પ્રદર્શન જેવી સ્થિતિ ઊભી ના થાય એનું ધ્યાન રાખવા સૂચના આપવામાં આવી છે. આ અંગે સેક્ટર-1 જેસીપી રાજેન્દ્ર અસારીએ જણાવ્યું હતું કે, અત્યાર સુધીના VVIP બંદોબસ્તમાં જે ખામીઓ થઇ છે એ ફરીથી ના થાય એ માટે ખાસ તકેદારી રાખવામાં આવશે. મોદીના કાર્યક્રમ દરમિયાન 4 IG-DIG કક્ષાના અધિકારીઓ, 24 DCP, 38 ACP, 124 PI, 400 PSI અને 5550 પોલસીકર્મી તહેનાત રહેશે.