ભારત સહિત એશિયાઇ દેશોમાં મોટાભાગના વિદ્યાર્થીઓ હવે અમેરિકા આવવાનું પસંદ નથી કરતા.
અમેરિકા દુનિયાભરના લોકો માટે સ્વપ્નાનો દેશ
અમેરિકામાં ભારતીય મૂળના વિદ્યાર્થીઓ જ આવવાનું પસંદ નથી કરતા
મોટાભાગના વિદ્યાર્થીઓ અમેરિકા આવવાનું ટાળી રહ્યા છે
અમેરિકા દુનિયાભરના લોકો માટે સ્વપ્નાનો દેશ, પરંતુ હવે આ દેશમાં ભારતીય મૂળના વિદ્યાર્થીઓ જ આવવાનું પસંદ નથી કરતા. છેલ્લા બે વર્ષમાં અમેરિકા ઉચ્ચ અભ્યાસ માટે આવતા વિદ્યાર્થીઓમાં 70 ટકા જેટલો ઘટાડો જોવા મળ્યો છે.
ભારતીય વિદ્યાર્થીઓની પ્રથમ પસંદગી નથી અમેરિકા
ભારત સહિત એશિયાઇ દેશોમાં મોટાભાગના વિદ્યાર્થીઓ હવે અમેરિકા આવવાનું પસંદ નથી કરતા. અગાઉ પહેલા દુનિયાભરના તમામ દેશોમાંથી વિદ્યાર્થીઓ પોતાની ઉચ્ચ અભ્યાસની કારર્કીદી ઘડવા માટે અમેરિકા આવવાનું પસંદ કરતા હતા. પરંતુ હવે મોટાભાગના વિદ્યાર્થીઓ અમેરિકા આવવાનું ટાળી રહ્યા છે. અને તેમાંય ભારતીય વિદ્યાર્થીઓ હવે પોતાની કારર્કીદી ઘડવા અમેરિકા સિવાયના અન્ય દેશોની પર પોતાની પસંદગી પહેલા આપે છે. જો કે, આ ઘટાડાની મુખ્ય ત્રણ મુદ્દાઓ છે.
1- અમેરિકાની વિઝા નિતી
અહીં આવતા વિદ્યાર્થીઓને કાયમી વસવાટ કરવા માટે અમેરિકાની વિઝા પોલીસીમાં કોઇ જ પ્રકારનું પ્રાવધાન નથી.. કે જેથી અહીં આવેલા વિદ્યાર્થીઓ ઝડપથી કાયમી નાગરિક બની શકે.
2- અમેરિકાની કોલેજોમાં વધતી જતી ફીનું ધોરણ
અન્ય દેશની યુનિર્વસીટીઓમાં ફીનું ધોરણ અમેરિકાની યુનિર્વસીટીની ફી ના ધોરણની સરખામણીએ ખુબ જ ઓછુ છે.
3- કોરોના મહામારીની ચિંતા
અમેરિકામાં કોરોના પોઝીટીવના કેસ દુનિયામાં સૌથી વધારે આવ્યા હતા. જેના કારણે વિદ્યાર્થીઓ અહીં આવતા ડરી રહ્યા છે.
અમેરિકા ઉચ્ચા અભ્યાસ માટે આવતા વિદ્યાર્થીઓને અભ્યાસબાદ અગાઉ H1B વિઝા સરળતાથી મળી જતા હતા. હવે આ વિઝા માટે પણ વિદ્યાર્થીઓને ઘણી મહેનત કરવી પડે છે. ઉપરાંત H1B વિઝા બાદ કાયમી વસવાટ માટે અમેરિકાની હાલની વિઝા પોલીસી મુજબ ખુબ જ લાંબો સમય રાહ જોવી પડે છે. જ્યારે બીજી તરફ કેનેડા અને ઓસ્ટ્રેલીયા જેવા દેશોમાં કાયમી થવા માટેની વિઝા પોલીસી હળવી છે. આ મુદ્દાઓને ધ્યાનમાં રાખીને હવે મોટાભાગના વિદ્યાર્થીઓ અમેરિકા કરતા પોતાની પસંદગી કેનેડા અને ઓસ્ટ્રેલીયા જેવા દેશો તરફ વધારે રાખે છે. એક અંદાજીત આંકડા મુજબ વર્ષ 2020 ને 2021માં માત્ર 40 હજાર જેટલા વિદ્યાર્થીઓ જ અમેરિકામાં માસ્ટર ડીગ્રીમાં પ્રવેશ મેળવ્યો છે. જે અગાઉના વર્ષોમાં 2 લાખ કરતા વધારે વિદ્યાર્થીઓ આવતા હતા. એટલે કે, છેલ્લા બે વર્ષમાં આંતરરાષ્ટ્રીય વિદ્યાર્થીઓની સંખ્યામાં અંદાજે 70 ટકા જેટલો ઘટાડો નોંધાયો છે. જેની સીધી અસર અમેરિકાની આર્થિક સ્થીતી પર પણ પડી રહી છે.