કાશ્મીરમાં ભારતની હાર પર જશ્ન મનાવી રહેલા લોકોનો અમુક વિદ્યાર્થીઓએ વિરોધ કર્યો હતો. જેથી હવે તે બહારના વિદ્યાર્થીઓ આતંકીઓના ટાર્ગેટ પર છે. પરિણામે પોલીસે અને સેનાએ સુરક્ષા વધારી દીધી છે.
કાશ્મીરમાં હવે વિદ્યાર્થીઓ આતંકીઓના ટાર્ગેટ પર
ભારતની હાર પર જશ્ન મનાવતા અમુક લોકોનો કર્યો હતો વિરોધ
વિરોધ કરનારા વિદ્યાર્થીઓ હાલ આતંકીઓના ટાર્ગેટ પર
કાશ્મીરમાં થોડાક સમય પહેલા પ્રવાસી મજૂરો તેમજ અન્ય લોકોને આતંકીઓએ ટાર્ગેટ કર્યા હતા. ત્યારે હવે એવી માહિતી સામે આવી છે કે કાશ્મીરમાં ભણી રહેવલા અન્ય રાજ્યના લોકોને હવે આંતકીઓ ટાર્ગેટ કરી રહ્યા છે. જેથી ખાનગી એજન્સીએ પણ વિદ્યાર્થીઓને સતર્ક રહેવા માટે સૂચના આપી છે.
અન્ય રાજ્યના વિદ્યાર્થીઓ પહેલો ટાર્ગેટ
પાકિસ્તાન સામે મેચ હાર્યા બાદ ઘણા પાકિસ્તાની સમર્થકોએ જશ્ન મનાયો હતો. જેમા યુપી રાજસ્થાન અને જમ્મુ કાશ્મીર સહિકના રાજ્યોમાં અમુક લોકો સામે કાર્યવાહી કરવામાં આવી હતી. જેને લઈને આતંકીઓ હુમલો કરવાની ફિરાકમાં છે સાથેજ હવે તેઓ કાશ્મીરમાં જે વિદ્યાર્થીઓ બહારથી અભ્યાસ કરવા આવ્યા છે તે લોકોને ટાર્ગેટ કરવાના છે તેવી સૂત્રો દ્વારા માહિતી સામે આવી છે.
વિરોધ કરનારા વિદ્યાર્થીઓ ટાર્ગેટ પર
એજન્સીઓના જણાવ્યા પ્રમાણે કાશ્મીરમાં ભણી રહેલા એ વિદ્યાર્થીઓ હાલ આતંકીઓના ટાર્ગેટ પર છે. જેમણે ભારતની હાર પર જશ્ન મનાવી રહેલા લોકોનો વિરોધ કર્યો હતો. ભારતની હાર પર ઘણા બઘા લોકો કાશ્મીરમાં જશ્ન મનાવ્યો હતો. જેનો ભારે વિરોધ થયો અને જે લોકો જશ્ન બનાવી રહ્યાતા તે લોકો સામે પોલીસે FIR દાખલ કરી હતી.
તાબડતોડ સુરક્ષા વધારવામાં આવી
સમગ્ર મામલે હાલ આતંકીઓ હવે જે લોકોએ વિરોધ કર્યો હતો તે લોકોને ટાર્ગેટ કરવાના છે તેવી માહિતી સામે આવ્યા બાદ તે વિદ્યાર્થીઓને સતર્ક રહેવાની સલાહ આપવામાં આવી છે. સાથેજ પોલીસે પણ અહીયા સુરક્ષા વ્યવસ્થા વધારી દીધી છે અને તેમની સાથે પેરા મિલટ્રી ફોર્સે પણ સુરક્ષા વધારી છે.
આતંકીઓ પાસે રૂપિયાનો અભાવ
ઉલ્લેખનીય થે કે હાલ કાશ્મીરમાં સેના પણ એકશન મોડમાં આવી ગઈ છે. જેથી આતંકીઓ પાસે હથિયાર અને રૂપિયાનો અભાવ હોવાનું સામે આવ્યું છે. મોટા હથિયાર આતંકીઓ પાસે નથી જેથી આતંકીઓ નાની પિસ્તોલ વડે લોકોને નિશાન બનાવી રહ્યા છે.