બનાસકાંઠામાં ખાનગી વાહન પર જોખમી મુસાફરી કરતા વિદ્યાર્થીઓના અગાઉ અનેક વીડિયો સામે આવ્યા છે. પણ આ સ્થિતિ સર્જાય છે સરકારી બસની ઘટ. ગામમાં સ્ટોપેજ અને રૂટ. આ મામલે જ આજે ડીસાના સમશેરપુરા પાટિયા પાસે વિદ્યાર્થીઓ માર્ગ પર ઉતરી આવ્યા. અને 15 જેટલી એસ.ટી. બસને અટકાવી દીધી. બસના ડ્રાઈવરોની મનમાની સામે વિદ્યાર્થીઓએ મોરચો માંડ્યો. અને બસના પૈડા થંભવાની સાથે સાથે અન્ય વાહનોની પણ કતાર લાગી ગઈ. અને 3 કિમી સુધી ટ્રાફિક જામ થતાં પોલીસ અને ડેપોના અધિકારીઓ ગામમાં દોડી આવ્યા. વિદ્યાર્થીઓની માગ છે કે શાળાએ જવા માટે એક પણ બસ અહીં ઉભી રાખવામાં આવતી નથી. જેથી ખાનગી વાહનોમાં મુસાફરી કરવી પડે છે. વિદ્યાર્થીઓની માગ છે કે જ્યાં સુધી સરકારી અધિકારીઓ લેખિતમાં બાંહેધરી નહીં આપે ત્યાં સુધી અમે માર્ગો પરથી નહીં હટીએ. અહીં 200થી વધુ વિદ્યાર્થીઓનું ટોળુ રોડ વચ્ચે આવી ગયું..અને ભારે ટ્રાફિક જામ કરતાં ડેપો અધિકારીઓ દોડી આવ્યા હતા. અને વિદ્યાર્થીઓને સમજાવતાં વિદ્યાર્થીઓ માની ગયા હતા. અને ફરીથી બસ રાબેતા મુજબ શરૂ કરવામાં આવી હતી.