વિશ્વભરમાં શાળાઓ શરૂ કરવાની કવાયત શરૂ કરી દેવાઇ છે. બ્રિટન, ફ્રાન્સ, અમેરિકા સહિત ઘણા દેશમાં સરકાર હવે એ વાત પર ભાર આપી રહી છે કે કોઇપણ સ્થિતિમાં શાળાઓ શરૂ થવી જોઇએ. સરકાર સામે બે ગંભીર પડકાર છે. પહેલો કે વિદ્યાર્થીઓને અત્યાર સુધી અભ્યાસમાં જે નુકસાન થયું છે તેની ભરપાઇ કેવી રીતે કરવી. અને બીજુ કે સરકાર જો શાળા શરૂ કરે તો શું માતા-પિતા પોતાના બાળકોને શાળાએ મોકલવા તૈયાર છે? આ સવાલો વચ્ચે સૌથી વધુ ખતરો છે ગરીબ દેશોને. જ્યાં જરૂરી સંસાધનના અભાવે બાળકો સ્કૂલ છોડી રહ્યાં છે. તો અન્ય તરફ ભારતમાં સ્થિતિ વધારે મુશ્કેલ બની છે. બાળકો પાસે ઓનલાઈન ભણવાની વ્યવસ્થા ન હોવાના કારણે તેઓ અભ્યાસ છોડી રહ્યા છે.
ભારતનું ભાવી જોખમાયું
લૉકડાઉનની શિક્ષણ પર માઠી અસર
શાળાઓ શરૂ કરવાને લઈને સરકાર અવઢવમાં
લોકડાઉનની બાળકોના શિક્ષણ પર થઈ માઠી અસર
લોકડાઉનના કારણે વિશ્વભરમાં 150 કરોડ બાળકોએ સ્કૂલ જવાનું બંધ કરી દીધું છે. જેમાંથી 70 કરોડ બાળક ભારત, બાંગ્લાદેશ જેવા વિકાસશીલ દેશોના છે. વિશેષજ્ઞોનું કહેવું છે કે કોરોનાના કારણે અભ્યાસમાં સૌથી વધુ અસર ગરીબ બાળકો અને ખાસ બાળકીઓ પર પડી રહી છે.
ભારતમાં કેવી છે સ્થિતિ?
ભારત સ્કૂલમાં અભ્યાસ કરનારા બાળકોની સંખ્યા 33 કરોડ છે.
33 કરોડ બાળકોમાંથી 10.3 ટકા પાસે જ ઓનલાઇન અભ્યાસની કરવાની વ્યવસ્થા.
શાળા શરૂ કરવા માટે કેટલીક ગાઇડલાઇન પણ જાહેર કરવામાં આવી છે.
શાળામાં માત્ર 30થી 40 ટકા બાળકો રાખવાની પણ ચર્ચા છે.
હાલ 1થી 8 ધોરણના ઓનલાઇન ક્લાસીસ ચાલુ છે.
જેમાં સોશિયલ ડિસ્ટેન્સિંગ અને સેનેટાઇઝેશનના નિયમ છે.
શાળા શરૂ કરવાના બે પડકાર
1. વિદ્યાર્થીઓના અભ્યાસના નુકસાનની ભરપાઇ કેવી રીતે કરવી?
2. શું માતા-પિતા પોતાના બાળકોને શાળાએ મોકલવા તૈયાર છે?
અભ્યાસની ભરપાઇ કેવી રીતે કરવી?
1. શાળાએ અભ્યાસ માટે બાળકોને વધુ સમય આપવો પડશે.
2. અભ્યાસક્રમને નવેસરથી તૈયાર કરવો પડશે.
3. સ્કૂલ અને શિક્ષકોના ભણાવાની પદ્ધતિને વધુ સારી કરવી પડશે.
બ્રિટનમાં સપ્ટેમ્બરથી ખૂલશે શાળાઓ
ફ્રાન્સ, ડેનમાર્ક અને ન્યૂઝીલેન્ડ જેવા દેશોમાં સોશિયલ ડિસ્ટન્સના નિયમોમાં ઢીલ આપ્યા બાદ શાળાઓમાં મોટી સંખ્યામાં બાળકો જઇ રહ્યાં છે. બ્રિટનમાં સપ્ટેમ્બરથી શાળા શરૂ કરવામાં આવશે. બ્રિટિશ સરકારે 3 હજાર 220 કરોડ રૂપિયા નેશનલ ટ્યૂટોરિંગ પ્રોગ્રામ લોંચ કર્યો છે. જે અંતર્ગત સ્કૂલ ગ્રેજ્યુએટ્સની ભરતી કરવામાં આવશે. જે ફૂલટાઇમ ભણાવાનું કામ કરશે. જો કે અમેરિકામાં રાષ્ટ્રપતિ ટ્રમ્પે સ્કૂલ ન ખલવા પર ફંડિંગ બંધ કરવા સુધીની ચેતવણી આપી દીધી છે.
નવેસરથી તૈયાર થશે અભ્યાસક્રમ
અમેરિકામાં બાળકો ઓનલાઇન સારી રીતે અભ્યાસ કરી રહ્યાં છે તેને લઇ વિશ્વાસ નથી. તો યૂનેસ્કો અને એજ્યુકેશન કન્સલ્ટન્સી ફર્મ મૈકેંજીએ અભ્યાસમાં ભરપાઇ કરવા ત્રણ સૂચન કર્યા છે. જેમાં હવે શાળાએ અભ્યાસ માટે બાળકોને વધુ સમય આપવો પડશે. અભ્યાસક્રમને નવેસરથી તૈયાર કરવો પડશે. સ્કૂલ અને શિક્ષકોના ભણાવાની પદ્ધતિને વધુ સારી કરવી પડશે.
વિશ્વભરમાં કેવી રીતે શરૂ કરવી શાળા?
વિશ્વભરમાં શાળાઓ શરૂ કરવાની કવાયત શરૂ કરી દેવાઇ છે.
બ્રિટન, ફ્રાન્સ, અમેરિકા સહિતમાં શાળા કેવી રીતે શરૂ કરવી તે એક પ્રશ્ન.
ફ્રાન્સ, ડેનમાર્ક, ન્યૂઝીલેન્ડમાં નિયમોમાં ઢીલ આપી. જેથી મોટી સંખ્યામાં બાળકો શાળા પહોંચે છે.
બ્રિટનમાં સપ્ટેમ્બરથી શાળા શરૂ કરવામાં આવશે.
બ્રિટિશ સરકારે 3 હજાર 220 કરોડ રૂપિયા નેશનલ ટ્યૂટોરિંગ પ્રોગ્રામ લોંચ કર્યો છે.
બ્રિટિશ સરકાર સ્કૂલ ગ્રેજ્યુએટ્સની ભરતી કરશે જે ફૂલટાઇમ ભણઆવી શકે.
અમેરિકામાં ટ્રમ્પે શાળા ન ખોલવા પર ફંડિંગ બંધ કરવાની ચેતવણી આપી છે.
અમેરિકા સરકારને ઓનલાઇન અભ્યાસમાં વધુ વિશ્વાસ નથી.