ટેક્નોલોજી જે રીતે માનવજીવનને જીવવું સરળ બનાવી આપે છે તેટલું જ સરળ તે દેશની સુરક્ષા કરતા જવાનો માટે બનાવતી હોવી જોઈએ. આ ચિંતા ગણપત યુનિવર્સિટીનાં આ વિદ્યાર્થીઓએ કરી છે અને તેમની આ ચિંતા જ તેમને એક માનવરહિત ગનનાં નિર્માણ તરફ લઈ ગઈ. લશ્કરનાં જવાન વિના જ દુશ્મનો સામે લડતી વિશેષ પ્રકારની આ માનવ રહિત ગનને વિદ્યાર્થીઓએ 'અન-મેન ગ્રાઉન્ડ વ્હીકલ' નામ આપ્યું છે.
ટેક્નોલોજી જેટલી માનવજીવનને સરળ બનાવવા માટે જરૂરી છે તેટલી જ સરહદ પર સૈનિકોનાં અભિયાનને નુકસાન સહિત સફળ બનાવવા માટે જરૂરી છે. એટલે જ આ વાતની ચિંતા મહેસાણાની ગણપત યુનિવર્સિટીનાં વિદ્યાર્થીઓએ કરી છે. આ યુનિવર્સિટીનાં મેકાટોનિક રોબોટિક ઓટોમેશનનાં વિદ્યાર્થીઓએ સૈન્ય રહિત ગનનું સંશોધન કર્યું છે. તો તે કેવી રીતે કામ કરે છે અને તે કેટલું આશીર્વાદરૂપ છે આ ગનનું સંશોધન તે જોઈએ આ અહેવાલમાં.
ટેક્નોલોજી જે રીતે માનવજીવનને જીવવું સરળ બનાવી આપે છે તેટલું જ સરળ તે દેશની સુરક્ષા કરતા જવાનો માટે બનાવતી હોવી જોઈએ. આ ચિંતા ગણપત યુનિવર્સિટીનાં આ વિદ્યાર્થીઓએ કરી છે અને તેમની આ ચિંતા જ તેમને એક માનવરહિત ગનનાં નિર્માણ તરફ લઈ ગઈ. ગણપત યુનિવર્સિટીનાં મેકાટોનિ અને રોબોટિક વિભાગમાં અભ્યાસ કરતાં આ વિદ્યાર્થીઓએ ઘણાં સમયથી માનવરહિત યાને કે સૈન્યરહિત ગન વિકસાવા જહેમત આદરી હતી.
આવી ગન બનાવવા માટે આ વિદ્યાર્થીઓએ રાત દિવસ ઘણી મહેનત કરી હતી. પરિણામ સ્વરૂપ અનેક દિવસોની મહેનત બાદ આ વિદ્યાર્થીઓએ અતિ દુર્લભ કહી શકાય તેવો સ્વયંભૂ ગન સંચાલિત કરી શકે તેવા રોબોટની શોધ કરી શક્યાં છે. વિદ્યાર્થીઓએ બનાવેલો આ રોબોટ ગન રેતાળ અને પહાડી વિસ્તારોમાં પણ તહેનાત રહી શકે છે અને સેન્સરની મદદથી દુશ્મન સુધી પહોંચી શકે છે. એટલું જ નહીં જમીનમાં ધરોબાયેલા બોમ્બ પણ શોધીને તેને ડિફ્યુઝ કરી શકે છે.
આ માનવ રહિત રોબોટ ગનનાં ઉપયોગથી સૈનિકોનાં જીવની થતી ખુવારી અટકાવી શકાય છે. ગણપત યુનિવર્સિટીની યુ.વી.પટેલ કોલેજનાં વિદ્યાર્થીઓ ભારતની પાકિસ્તાન અને ચીન સાથે જોડાયેલી તેમ જ રણ વિસ્તાર અને પહાડી વિસ્તારની બોર્ડરને ધ્યાનમાં રાખી માનવ રહિત રોબોર્ટ ગન બનાવી છે.
માણસ રહિત એટલે કે, લશ્કરનાં જવાન વિના જ દુશ્મનો સામે લડતી વિશેષ પ્રકારની આ માનવ રહિત ગનને વિદ્યાર્થીઓએ અન-મેન ગ્રાઉન્ડ વ્હીકલ નામ આપ્યું છે. અન-મેન ગ્રાઉન્ડ વ્હીકલ ગન ગમે તેવા પહાડી વિસ્તારમાં જઈ દુશ્મનોએ જમીનમાં છુપવેલા બોમ્બ શોધીને તેને ડીફ્યૂઝ કરી તેનો નાશ કરી શકે છે. તો વળી દુશ્મન દેશનાં જવાનોને નિશાને લઇ ગોળીથી વીંધી પણ શકે છે. આ નવીન પ્રકારની સૈનિક રહિત રોબોટ ગનને વિશેષ પ્રકારનાં સેન્સરોથી સજ્જ કરાઈ છે અને તેથી જ દુશ્મનોની તમામ ગતિવિધિને નેસ્તનાબુદ કરવાની ક્ષમતા ધરાવે છે.
ગણપત યુનિવર્સિટીની યુ.વી.પટેલ કોલેજનાં વિદ્યાર્થીઓ એ જે સૈનિક રહિત રોબોટ ગન બનાવી છે તે હાલમાં પ્રાથમિક તબક્કે સફળ લાગી રહી છે અને જો તેને આગામી સમયમાં યોગ્ય સ્તરે સંપૂર્ણ સુરક્ષિત કરી સજ્જ કરવામાં આવે તો કદાચ આવનાર સમયમાં ભારતીય લશ્કરને આ સૈનિક રહિત રોબોટ ગન ઘણી ઉપયોગી બની શકે છે. આ ગનનાં ઉપયોગથી સૈનિકોની ખુવારીનો આંક નીચો આવી શકે.