વડોદરા / MS યુનિવર્સિટીમાં અનામત રદ, કોમન યુનિવર્સિટી એક્ટ લાગુ થતાં વિદ્યાર્થીઓ અટવાયાં

વડોદરાની એમ.એસ યુનિવર્સિટીમાં કોમન એક્ટ લાગુ થયા પછી અનેક વિદ્યાર્થીઓ પ્રવેશથી વંચિત રહ્યાં છે. અત્રે જણાવીએ કે, સ્થાનિક વિદ્યાર્થીઓની 60 ટકા અનામત રદ થઈ ગઈ છે.

MS યુનિવર્સિટીમાં સ્થાનિક વિદ્યાર્થીઓનું અનામત રદ

વડોદરાના સ્થાનિક વિદ્યાર્થીઓ પ્રવેશથી વંચિત રહ્યા છે. ત્યારે વડોદરાના સાંસદ હેમાંગ જોશી આ મુદ્દે સક્રિય થયા છે. સ્થાનિક વિદ્યાર્થીઓ પ્રવેશથી વંચિત ના રહે તે માટે બે દિવસમાં વાઇસ ચાન્સેલર મુલાકાત કરશે. બાદમાં સમગ્ર સ્થિતી ઉકેલવા માટે જરૂર પડશે તો રાજ્ય સરકારમાં પણ રજૂઆત કરશે.

વાંચવા જેવું: મેહુલિયાના વાવડ ! 7 દિવસ મેઘરાજા ધડબડાટી બોલાવશે, આ જિલ્લામાં ભારેની આગાહી

કોમન યુનિવર્સિટી એક્ટમાં શું છે ?

રાજ્યની તમામ સરકારી યુનિવર્સિટીઓનું એક સાથે ઓનલાઈન એડમિશન પ્રક્રિયાથી લઈ તમામ કાયદાથી લઈ નિયમન એક સમાન રહે. જેમાં તમામ યુનિવર્સિટીમાં કોમન અભ્યાસક્રમ તેમજ એક જ સમયે તમામ યુનિવર્સિટીમાં પરીક્ષા લેવામાં આવે અને અભ્યાસક્રમમાં UGCની જોગવાઈ મુજબ 20 ટકા સ્થાનિક પરિસ્થિતિને ધ્યાને રાખી ફેરફાર કરવામાં આવી શકે.