સુવિધા / જલ્દી આવશે મોદી સરકારની આ યોજના, ફક્ત 1000 રૂપિયામાં મળશે ભાડાનું ઘર, જાણો કોને મળશે ફાયદો

• મોદી સરકાર લાવી રહી છે નવી યોજના
• હવે ફક્ત 1000 રૂપિયામાં ભાડે મળશે ઘર
• આ લોકોને મળી શકે છે સ્કીમનો લાભ

નાણામંત્રીએ આ સ્કીમની કરી હતી જાહેરાત

મોદી સરકાર આ યોજના હેઠળ જવાહરલાલ નહેરુ રાષ્ટ્રીય શહેરી નવીકરણ મિશન (JNNURM) અને રાજીવ આવાસ યોજના (RAY) હેઠળ ખાલી પડેલી 1 લાખ હાઉસિંગ યુનિટ્સનો ઉપયોગ કરવાની યોજના બનાવી રહી છે.મળતી માહિતીમાં જણાવાયું છે કે યુપીએ સરકારના કાર્યકાળમાં આવી યોજનાને આ સસ્તું ભાડા મકાન યોજના હેઠળ લાવવામાં આવી હતી, જે મોદી સરકાર હવે પરપ્રાંતિય મજૂરો માટે પ્રદાન કરવા માંગે છે. નાણાંમંત્રી નિર્મલા સીતારમણે 14 મેના રોજ જ આ યોજના વિશે જાહેરાત કરી હતી.

હજુ કેટેગરીના આધારે ભાડું નક્કી કરાયું નથી

તૈયાર કરવામાં આવેલી યોજનાના આધારે મંત્રાલય અલગ અલગ કેટેગરીને માટે ભાડું 1000થી 3000 સુધી મહિને નક્કી કરશે. તેમાં કન્સ્ટ્રક્શન વર્કસ, લેબર અને અસંગઠિત ક્ષેત્રમાં કામ કરનારા લોકો સામેલ થશે. વિદ્યાર્થીઓ આ સ્કીમના આધારે ઓછા દરે ઘર મેળવી શકશે. જો કે આ સ્કીમ માટે કોઈ અંતિમ નિર્ણય સરકાર દ્વારા લેવામાં આવ્યો નથી. 

આ સ્કીમના આધારે કંપનીઓને જમીન પર મળશે ઇન્સેટિવ્સ

મળતી માહિતી અનુસાર રેન્ટલ હાઉસિંગ સ્કીમને મમાટે કેબિનેટ નોટ તૈયાર કરવામાં આવી છે. તેને આધારે મિનિસ્ટ્રીને મંજૂરી આપવામાં આવી છે અને આ પ્રસ્તાવ અંતિમ મંજૂરી માટે કેબિનેટમાં મોકલાશે. આ સ્કીમના આધારે કંપનીઓને પોતાની જમીન પર રેન્ટલ હાઉસિંગ પ્રોજેક્ટ માટે ઇન્સેન્ટિવ્સ મળશે. 

અલગ અલગ શહેરોમાં 75 હજાર યૂનિટ બનાવાશે

એક રિપોર્ટમાં કહેવાયું છે કે રેન્ટ હાઉસિંગ સ્કીમના આધારે PPP મોડલ પર રેન્ટલ હાઉસિંગ પ્રોજેક્ટ બનાવાશે. વાયબલીટી ગેપ ફંડિંગના આધારે પ્રોજેક્ટ તૈયાર થશે. PMAY  અર્બન યોજનાના આધારે ફંડ આપવામાં આવશે. પહેલા ચરણમાં અલગ અલગ શહેરોમાં લગભગ 75000 યૂનિટ બનાવવાનો ટારગેટ છે.