NRI ન્યૂઝ / માનો કે કેનેડા કે USના સ્ટુડન્ટ વિઝા રિજેક્ટ થયા તો શું કરશો? પછી કયા દેશમાં અભ્યાસ કરવો બેસ્ટ

Student Visa : ગુજરાત સહીત દેશભરના વિદ્યાર્થીઓ ઉચ્ચ અભ્યાસ માટે વિદેશ જતાં હોય છે. જેમાં ખાસ કરી ઉચ્ચ અભ્યાસ માટે કેનેડા, ઓસ્ટ્રેલીયા અને અમેરિકા જેવા દેશોને પસંદ કરતાં હોય છે. આ સથે ભારતીય વિદ્યાર્થીઓ પણ હાયર એજ્યુકેશન માટે પોતાનુ ડેસ્ટિનેશન પસંદ કરીને વિઝા માટે અપ્લાય કરી દેતા હોય છે અને બાદમાં સ્ટુડન્ટ વિઝા એપ્રૂવ થવાની રાહ જુએ છે. જોકે વિદેશ જવાનું સપનું દરેકનું પૂરું નથી થતું. પણ શું તમે જાણો છો કે, કેનેડા કે અમેરિકાના સ્ટુડન્ટ વિઝા રિજેક્ટ થાય તો તમે શું કરશો ? વાસ્તવમાં વિદેશમાં શિક્ષણની વધતી માંગ અને હરીફાઈની વચ્ચે મનપસંદ સ્થળે ભણવાનું સપનું સાકાર કરતા પહેલા ભારતીય વિદ્યાર્થીઓએ સ્ટુડન્ટ વિઝા રિજેક્ટ ન થાય એના માટે અનેક પ્રકારની કાળજી રાખવી પડશે.

ભારતીય વિદેશ મંત્રાલયના આંકડાઓ જોઈએ તો કેનેડા, યુએસએ, યુકે, ઓસ્ટ્રેલિયા અને જર્મનીમાં ભારતીય વિદ્યાર્થીઓ સ્ટુડન્ટ વિઝા પર જવા માટે આતુર હોય છે. આ પાંચેય દેશોમાં સ્ટુડન્ટ વિઝા અપ્રૂવલ પોલિસીમાં પણ કડક ફેરફારો થઈ રહ્યા છે. અહીં વિઝા અપ્રૂવલમાં પણ વાર થાય એવું હોવાથી ભવિષ્યમાં વિદ્યાર્થીઓના વિઝા રિજેક્ટ થવાનો રેટ પણ વધી શકે છે અત્યારે ગ્લોબલ ક્રાઈસિસ, જીઓપોલિટિકલ ટેન્શન્સ, ઈમિગ્રેશન નિયમોમાં ફેરફાર અને કડક વિઝા નિયમોમાં ફેરફારને લીધે ભારતીય વિદ્યાર્થીઓને સ્ટુડન્ટ વિઝા પ્રોસિજરના નવા નવા અપડેટ્સ સાથે માહિતગાર રહેવામાં પણ તકલીફ આવી રહી છે. તેમને વિઝાના ટ્રેન્ડ્સ અને અપ્રૂવલ પ્રોસિજર પર પણ ભાર આપવાની જરૂર છે. બીજી બાજુ વિદેશમાં કોમ્પિટિશન પણ સતત વધી રહી છે જેના કારણે પણ વિઝા અપ્રૂવલ રેટ ઘટી રહ્યો છે.

ભારતીય વિદ્યાર્થીઓએ જાણવું જરૂરી છે કે, વિઝા અપ્રૂવલ રેટ એક મહત્ત્વપૂર્ણ ઈન્ડિકેટર છે પરંતુ એકલા આના લીધે જ સ્ટુડન્ટ્સના વિઝા અપ્રૂવલ ડિલેય થઈ રહ્યા છે તેવુ પણ ન કહી શકાય. આમાં એન્યુઅલ વિઝા કોટ્સ, એપ્લિકેશનનો ખર્ચ, પ્રોસેસિંગ ટાઈમ, જીઓપોલિટિકલ પરિસ્થિતિ, ઈમિગ્રેશન પોલિસીમાં ફેરફાર પણ મહત્ત્વપૂર્ણ ભાગ ભજવે છે. જે-તે દેશના તમામ વિઝા નિયમો ટીક કર્યા હોવા છતા વિઝા મળવામાં મુશ્કેલી થતી હોય છે. આની સાથે સાથે ભવિષ્યમાં સ્ટુડન્ટ્સને ખર્ચાઓ પણ મુશ્કેલીમાં મુકી શકે છે.

વિઝા પ્રોસેસિંગ ટાઈમમાં ફેરફાર

આ સાથે પ્રોસેસિંગ ટાઈમમાં પણ ફેરફાર જોવા મળી રહ્યો છે. જેમ કે કેટલા વિઝા અપ્રૂવ થવામાં વાર થાય છે કારણ કે તેના બેકલોગ્સ સતત વધારે છે. ક્યારેક બંને દેશો વચ્ચેના સંબંધોમાં ખેંચતાણ આવી જાય અથવા સ્ટાફ ઓછો હોય તો પણ વિઝા રિજેક્ટ અથવા અપ્રૂવલ રેટ ઓછા હોઈ શકે છે. જ્યારે પણ કોઈ દેશમાં ભણવા જવું હોય તો સૌથી પહેલા તો બંને દેશોના રાજદ્વારી સંબંધો કેવા છે અને તેમના વચ્ચે આગામી સમયમાં પણ કેવી સ્થિતિ રહી શકે છે એના પર અવશ્ય ધ્યાન આપવું જોઈએ. ક્યારેક એ દેશની પોલિસીમાં ફેરફાર થાય તો પણ સ્ટુડન્ટ વિઝા રિજેક્ટ થઈ જતા હોય છે અથવા મોડા આવે છે.

સ્ટુડન્ટ વિઝા માટે કઈ રીતે કરશો અપ્લાય ?

સ્ટુડન્ટ વિઝા એપ્લિકેશન પ્રોસેસમાં મલ્ટિપલ સ્ટેપ્સ હોય છે જેમ કે સૌથી પહેલા ઓનલાઈન એપ્લિકેશન સબમીટ કરવાની, વિઝા ફી ભરવાની, વિઝા ઈન્ટર્વ્યૂ આપવાનો, અપ્રૂવ ન થાય ત્યાં સુધી વેઈટ કરવાનો હોય છે. જોકે આ પ્રોસેસમાં ખર્ચાઓ પણ ક્યારેક વધારે ક્યારેક ઓછા થતા હોય છે ક્યારેક અલગ અલગ દેશો પ્રમાણે ફી પણ અલગ અલગ હોય છે.

અનેક કારણો સાથે ભારતીયો હજુ પણ જઈ રહ્યા છે આ દેશોમાં ?

આ દેશોમાં આકરા વિઝા ધોરણો હોવા છતા ઉચ્ચ ગુણવત્તાયુક્ત શિક્ષણ, વૈશ્વિક સ્તરે માન્યતા પ્રાપ્ત ડિગ્રીઓ અને કારકિર્દીની આશાસ્પદ તકોને કારણે ભારતીય વિદ્યાર્થીઓ આ દેશોમાં ભણવા જવાનું ચાલુ રાખે છે. આ ડેસ્ટિનેશન્સની યુનિવર્સિટીઓ ઘણીવાર વૈશ્વિક સ્તરે ટોચના સ્થાને આવે છે, જે તેમની ડિગ્રીમાં નોંધપાત્ર મૂલ્ય ઉમેરે છે. શિષ્યવૃત્તિ, એજ્યુકેશન લોન દ્વારા નાણાકીય સહાયની ઉપલબ્ધતા અને જીવન ખર્ચને ટેકો આપવા માટે પાર્ટ-ટાઇમ કામ કરવાની સંભાવના આ દેશોને આકર્ષક બનાવે છે. વધુમાં, આમાંના ઘણા દેશો પરમેનન્ટ રેસિડન્સીનો માર્ગ પણ મોકળો કરી દેતા હોય છે, જે લાંબા ગાળાના રોકાણનું આયોજન કરતા વિદ્યાર્થીઓ માટે સ્ટાર્ટિંગ સ્ટ્રગલને યોગ્ય બનાવે છે.

કેનેડામાં સ્ટુડન્ટ વિઝા પ્રોસેસિંગ ટાઈમ વધી ગયો

અમેરિકામાં વિઝા અપ્રૂવલ રેટમાં 11 ટકાનો ઘટાડો

UKમાં ઘટી રહ્યો છે સ્ટુડન્ટ વિઝા અપ્રૂવ રેટ

ઓસ્ટ્રેલિયાનો રિજેક્શન રેટ લગભગ 15%

જર્મનીમાં સ્ટુડન્ટ વિઝાની શું છે સ્થિતિ ?

શું તમે જાણો છો કયા દેશમાં સરળતાથી મળી રહેશે સ્ટુડન્ટ વિઝા ?

• જર્મનીઃ જર્મની પોતાના વિઝા પ્રોસેસને પણ સરળ બનાવી રહ્યું છે જેથી કરીને વધુ પ્રમાણમાં ઈન્ટરનેશનલ સ્ટુડન્ટ્સને ત્યાં આમંત્રિત કરી શકે. જર્મનીમાં અત્યારસુધીનો વિઝા એક્સેપ્ટન્સ રેટ 90 ટકાને પાર પહોંચી ગયો છે. સાયન્સ, ટેકનોલોજી, એન્જિનિયરિંગ અને મેથેમેટિક્સની ફિલ્ડના સ્ટુડન્ટ્સને અહીં અભ્યાસ કરવાની સારી એવી તક પણ મળી જાય છે. તેમને અભ્યાસ પછી પોસ્ટ સ્ટડી વર્ક વિઝાની અવધિ પણ 18 મહિના સુધીની આપી છે. જેથી કરીને ભણ્યા બાદ પણ વિદ્યાર્થીઓ ત્યાં વસવાટ કરીને પોતાની કારકિર્દીને આગળ વધારી શકે છે.
• ફ્રાન્સઃ ફ્રાન્સમાં અત્યારે ભારતીયો દ્વારા પસંદ કરવામાં આવતા ટોપ-10 ડેસ્ટિનેશનમાં ફ્રાન્સ સામેલ નથી. પરંતુ જે પ્રમાણે ફ્રાન્સ અંગ્રેજી ભાષાને પ્રાધાન્ય આપીને ભારતીયોને આકર્ષવા માટે નવી નવી યોજનાઓ લાવી રહ્યું છે, એને જોતા ભવિષ્યમાં ત્યા ભણવા જવા માટે પણ ભારતીયોની લાંબી લાઈનો લાગશે. ફ્રાન્સમાં મોટાભાગે ફેશન સ્ટડિઝ, હોસ્પિટાલિટી અને બિઝનેસ ફિલ્ડમાં આગળ વધવું હોય તો જવું યોગ્ય ગણાય.
• UAE: હાલની સ્થિતિએ ભવિષ્યમાં બિઝનેસ અને મેનેજમેન્ટ સ્ટડીઝ માટે પણ UAE સારી એવી તકો ઊભી કરી શકે છે. અહીં સ્ટ્રિમલાઈન્ડ વિઝા પ્રોસિજર, લો કોસ્ટ, ક્વિક પ્રોસેસિંગ ટાઈમ સહિતની સુવિધાઓને લીધે ભવિષ્યમાં ભારતીયો અહીં ભણવા જવાનું પસંદ કરી શકે છે. એટલું જ નહીં UAE ભણવામાં આગળ હોય તેવા વિદ્યાર્થીઓને 5 વર્ષ સુધીના વિઝા પણ પ્રોવાઈડ કરે છે. વર્ષ 2023માં 25 હજાર ભારતીયો આનો લાભ લઈને ત્યાં ગયા છે. ભવિષ્યમાં આ સંખ્યા વધી શકે એમ લાગી રહ્યું છે.
• ફિલિપિન્સઃ ભારતીયોની ટોપ-10ની યાદી પછી 11મા નંબર પર ફિલિપિન્સ આવે છે. વર્ષ 2023માં 9665 ભારતીયો ત્યાં ભણવા માટે ગયા હતા. ત્યાં મેડિકલ, હેલ્થકેર સહિતના કોર્સ ભારતીયો કરી શકે છે. ત્યાં સ્ટ્રિક્ટ લેન્ગ્વેજ રિક્વાયર્નમેન્ટ્સ પણ નથી અને વિઝા પ્રોસેસ પણ જટિલ નથી. વેસ્ટર્ન કંટ્રીઝ કરતા તો ત્યાંની ફી ઘણી સામાન્ય છે. રશિયા અને યુક્રેન વોરના કારણે હવે ફિલિપિન્સમાં ભણવા જવાનું ભારતીયો વધારે પસંદ કરી શકે છે.

વધુ વાંચો : કેનેડા જતા વિદ્યાર્થીઓ માટે માઠા સમાચાર, હવે સપ્તાહમાં માત્ર આટલા કલાક જ કરી શકશે કામ

હવે સ્ટુડન્ટ વિઝાને લગતી કેટલી માહિતી

જો તમે વિદેશમાં ભણવા જવા માગતા હોય તો સૌથી પહેલા તો જે દેશમાં વિઝા અપ્રૂવલ રેટ ઝડપી હોય તે પસંદ કરવો જોઈએ. કોઈ એક્સપર્ટની સલાહ લઈને તમારી કારકિર્દીને બૂસ્ટ મળે એવી જગ્યા પસંદ કરવી જોઈએ. તમે જે દેશમાં ભણવા જઈ રહ્યા છો અને જે યુનિવર્સિટી પસંદ કરી છે તે ગ્લોબલી રેકોગ્નાઈઝ્ડ છે કે નહીં એ પણ તપાસી લેવું જોઈએ. તમારી ડિગ્રીની વેલ્યૂ જ આગળ તમારી કારકિર્દીની દિશા નક્કી કરશે. જે દેશમાં તમને ભણવાની સાથે સરળતાથી પાર્ટ ટાઈમ નોકરી મળી જાય અને તેની કરન્સી દ્વારા ભારતમાં પણ તમે રૂપિયા મોકલી શકો અથવા પોતાના ખર્ચાની સાથે ફી પણ કાઢી શકો એમ હોયતો જ ત્યાં ભણવા જવાય. ઘણીવાર જોબ ક્રાઇસિસનો સામનો કરી રહેલા દેશમાં જતા રહેવાથી પણ ખર્ચાઓ માથે પડી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ