વલસાડ: આજના યુગમાં શહેર તો સલામત નથી પરંતુ ગામડા ઓ પણ હવે સલામત નથી. પોલીસ અને કાયદા વ્યવસ્થાના લિરે-લિરા ઉડાવતા ગુનેગારો હવે બેફામ વધી ગયા છે. ત્યારે વલસાડ તાલુકાના એક હવસ ખોર ઇસમે સ્કૂલેથી ઘરે પરત ફરતી વિદ્યાર્થીનીને પકડી ખેતરમાં લઇ જઇ દુષ્કર્મનો પ્રયાસ કરતા સમગ્ર પંથકમાં ચકચાર મચી હતી.
વલસાડના વઘાલધરા નજીક એક દિવસ અગાઉ સ્કૂલથી સાંજે ઘરે જતી વેળા એક વિદ્યાર્થીનીને એક ઈસમે હાથ પકડી ખેતરમાં લઇ જઇને દુષ્કર્મ કરવાનો પ્રયાસ હાથ ધર્યો હતો. વિદ્યાર્થીનીએ બુમાબુમ કરતા રોડ પરથી જતા બાઈક સવારો આવી જતા આરોપી ભાગી છૂટ્યો હતો.અને ત્યાર બાદ સ્થાનિક લોકોએ તેને ઝડપી મેથીપાક આપી પોલીસને હવાલે કર્યો હતો.
હાલ આરોપી વલસાડની સિવિલ હોસ્પિટલમાં સારવાર હેઠળ છે. ડુંગરી પોલીસે દુષ્કર્મનો પ્રયાસ અને છેડતીનો ગુનો નોંધી આરોપીની ધરપકડ કરી છે. આરોપી છના ભાઈ દાહોદનો રેહવાસી છે અને તે આ ગામમાં કોન્ટ્રાક બેજ પર કડીયા કામ કરવા આવ્યો હતો.
દારૂના નશામાં તેને રસ્તા પરથી ઘરે જરી વિદ્યાર્થીની સાથે શરમજનક કૃત્ય કર્યું હતું. ત્યારે પોલીસે હાલ આરોપી ધરપકડ કરી છે. વલસાડ જિલ્લામાં શહેરી વિસ્તારમાં ગુનાખોરી વધી રહી છે ત્યારે ગામડા વિસ્તારમાં પણ હવે મહિલાઓ અને દીકરીઓ સલામત નથી.