આપઘાત / વડોદરામાં ધો.12માં અભ્યાસ કરતી વિદ્યાર્થીનીએ ગળે ફાંસો ખાઈને જીવન ટૂંકાવ્યું, પોલીસે હાથ ધરી તપાસ

• વડોદરાના સમા સાવલી વિસ્તારની ઘટના
• ધોરણ 12ની વિદ્યાર્થીનીએ કર્યો આપઘાત
• વિદ્યાર્થીનીએ ડિપ્રેશનમાં આવીને આપઘાત કર્યો હોવાની ચર્ચા  

વડોદરામાં ધોરણ 12ની વિદ્યાર્થીનીએ કર્યો આપઘાત

વડોદરાના સમા સાવલી રોડ પર રહેતી ધો.12 સાયન્સમાં અભ્યાસ કરતી સગીરાએ ડિપ્રેશનમાં આવી જઇને પોતાના રૂમમાં જ ગળે ફાંસો લગાવી દીધો હતો. હરણી પોલીસ સૂત્રો પાસેથી મળેલી માહિતી મુજબ સમા સાવલી રોડ પર રહેતા પરિવારમાં માતા-પિતા બંને નોકરી કરે છે. ગત મંગળવારે દિવસ દરમિયાન માતા-પિતા નોકરી પર ગયાં હતાં, તે દરમિયાન ધો. 12 સાયન્સમાં અભ્યાસ કરતી વિદ્યાર્થીઓએ સગીરા  ગળે ફાંસો લગાવી આપઘાત કરી લીધો હતો. આ ઘટનાની જાણ હરણી પોલીસને જાણ કરાતાં પોલીસ પણ સ્થળ પર પહોંચી હતી.

વિદ્યાર્થીનીએ ડિપ્રેશનમાં આવીને આપઘાત કર્યાનું પ્રાથમિક તારણ

પોલીસના પ્રાથમિક તપાસમાં જાણવા મળ્યું કે, વિદ્યાર્થીનીએ  ડિપ્રેશનમાં આવી જઇને આ અંતિમ પગલું ભર્યું હોવાનું જણાવ્યું હતું. પોલીસે જણાવ્યું હતું કે, વિદ્યાર્થિની અભ્યાસમાં તેજસ્વી હતી અને તે સંગમ ચાર રસ્તા પાસેની સ્કૂલમાં અભ્યાસ કરતી હતી