કોરોના વાયરસને કારણે દેશભરમાં લોકડાઉન ચાલી રહ્યું છે. જેથી પોતાના વતન અને ઘરથી દૂર લાખો લોકો બીજા રાજ્યોમાં ફસાયેલા છે. જેના કારણે પરપ્રાંતિય મજૂરોએ ભયંકર મુશ્કેલીઓનો સામનો કરવો પડી રહ્યો છે. ઘણાં મજૂરો તો ખભા પર સામાન લઈને પગપાળા કરીને પોતાના વતન જવા નીકળી પડ્યાં છે. એવામાં બોલિવૂડ એક્ટર સોનુ સૂદ આ મજૂરોની ખૂબ મદદ કરી રહ્યો છે. ત્યારે હાલમાં જ મુંબઈમાં ફસાયેલા એક સ્ટૂડન્ટે સોનુ સૂદ પાસે મદદ માંગી છે. તો એક્ટરે તેને આવો જવાબ આપ્યો.
બોલિવૂડ એક્ટર સોનુ સૂદ સતત મજૂરો અને જરૂરિયાતમંદોની મદદ કરી રહ્યો છે
રસ્તાઓ પર રઝડતાં મજૂરો માટે સોનુએ કરી બસની વ્યવસ્થા
હકીકતમાં મુંબઈના થાણેમાં લોકડાઉનમાં ફસાયેલા એક વિદ્યાર્થીએ ટ્વિટર પર સોનુ સૂદ પાસેથી મદદ માંગી છે. વિદ્યાર્થીએ લખ્યું- સોનુ સૂદ સર હું એક સ્ટૂડન્ટ છું અને થાણેમાં ફસાયેલો છું. મારી કોઈ જ મદદ નથી કરી રહ્યું. મારી મા ખૂબ જ બીમાર છે અને તેને મારી બહુ ચિંતા થઈ રહી છે. મને ઉત્તરપ્રદેશના ગોરખપુર પહોંચવું છે. તમે મારી છેલ્લી આશા છો, પ્લીઝ મારી મદદ કરો સર.
સોનુ સૂદે વિદ્યાર્થીની ટ્વિટ પર પ્રતિક્રિયા આપતા લખ્યું, તારી મોમને કહી દે કે તૂ જલ્દી તેમની પાસે હોઈશ. લોકો સોનુ સૂદની આ દરિયાદિલીની ખૂબ પ્રશંસા કરી રહ્યાં છે. લોકો આ અભિનેતાની ટ્વિટ પર ખૂબ કમેન્ટ કરી રહ્યાં છે અને પ્રતિક્રિયાઓ આપી રહ્યા છે. સંકટના આ સમયમાં સોનુ સૂદ મજૂરો માટે બસોની વ્યવસ્થા કરવાની સાથે તેમના માટે ભોજનની વ્યવસ્થા પણ કરી રહ્યો છે.