કરોડોના ખર્ચે બુલેટ ટ્રેન, મેટ્રો ટ્રેન બનાવાઈ રહી છે પણ હજુ સુધી અંતરિયાળ ગામડાઓમાં ST બસની સુવિધા નહીં પહોંચડી શકનાર ગુજરાત સરકાર આ તે કેવો વિકાસ કરી રહી છે? ગામડાઓ સામે કેમ ઓરમાયું વર્તન કરાઈ રહ્યું છે. ગામડાના વિદ્યાર્થીઓ માટે કેમ કોઈ સુવિધા નહીં? ખરેખર સરકારને વિકાસમાં રસ છે કે દેખાડામાં?
રાધનપુરના સમી ગામનો વીડિયો
સોશિયલ મીડિયામાં વાયરલ થયો
બાળકો માટે કેમ સુવિધા નહીં?
અવારનવાર અકસ્માતના કિસ્સા સામે આવતા રહે છે ત્યારે સ્કૂલ બસ કે વાનના અકસ્માતના નવા નથી વળી તેમાં ઘેટા બકરાંની જેમ વિદ્યાર્થીઓને જે રીતે ભર્યા હોય છે તે ખરેખર બેજવાબદારી ભર્યુ વર્તન હોય છે ત્યારે રાધનપુરમાં વિદ્યાર્થીઓ મોતની સવારી કરતા નજરે પડી રહ્યાં છે.
રાધનપુરમાં વિદ્યાર્થીઓ જોખમી સવારી કરતા જોવા મળ્યા હતા. આ જોખમી સવારી તેમને એટલે કરવી પડી હતી કારણ કે અંતરિયાળ વિસ્તારોમાં બસની સુવિધાનો અભાવ છે.
રાધનપુરમાં વિધાર્થીઓ મોતની સવારી કરી રહ્યા છે. છકડો રિક્ષામાં લટકી રહેલા વિદ્યાર્થીઓને જોઈને અંદાજો આવે કે તંત્ર કેટલુ બેદરકાર છે. અબજો રૂપિયાની મેટ્રો, બુલેટ ટ્રેનની સુવિધા કરી રહી છે તો શું આ તંત્ર આ બાળકો માટે બસની વ્યવસ્થા ન કરી શકે?