વલસાડ / 'તું મારી નહીં તો કોઇની નહીં', ...અને એકતરફી પ્રેમમાં વિદ્યાર્થીએ વિદ્યાર્થિની સાથે કર્યુ ચોંકાવનારું કામ

• વલસાડની એક જાણીતી શાળામાં ચોંકાવનારી ઘટના
• વિદ્યાર્થીએ વિદ્યાર્થિનીની પાણીની બોટલમાં નાંખી ઝેરી દવા
• વિદ્યાર્થી એક તરફી પ્રેમ હોવાનું આવ્યું સામે

વલસાડની એક જાણીતી શાળામાં એક વિદ્યાર્થિએ વિદ્યાર્થિનીની પાણી બોટલમાં ઝેરી દવા નાંખી દીધી હતી. જેને લઇ વિદ્યાર્થિનીની સારવાર હેઠળ છે. મળી માહિતી મુજબ વિદ્યાર્થીએ વિદ્યાર્થિનીને અવાર નવાર તેને પ્રેમ કરતો હોવાનું એકરાર કર્યો હતો. 

વિદ્યાર્થિનીએ પ્રેમનો સ્વીકાર ન કરતા વિદ્યાર્થીએ પાણીમાં ભેળવ્યું ઝેર

જો કે વિદ્યાર્થિનીએ તેની કબૂલાત ન કરતા વિદ્યાર્થીએ રોષે ભરાઇ અને આ પગલું ભર્યું. વિદ્યાર્થીએ વિદ્યાર્થિનીની ગેરહાજરીમાં તેની બોટલમાં ઝેરી દવા ભેળવી દીધી હતી. ત્યારે આ મામલે પોલીસ ફરિયાદ નોંધાઇ છે. જો કે વિદ્યાર્થિનીના પરિવારજનો કંઇ પણ કહેવા તૈયાર નથી.

વિદ્યાર્થીને બુધવારે ચાઇલ્ડ કોર્ટમાં રજૂ કરાશે 

આ અંગે વલસાડ પોલીસ અધિકારીએ જણાવ્યું હતું, 'વિદ્યાર્થી કાયદાનાં સંઘર્ષમાં આવતો હોવાને કારણે તેની પૂછપરછ કરાઇ હતી. વિદ્યાર્થીનાં પરિવારની જવાબદારીને ઉપર તેને ઘરે મોકલવામાં આવ્યો છે. બુધવારે તેને ચાઇલ્ડ કોર્ટમાં રજૂ કરાશે.