વડોદરાઃ ગોત્રી મેડિકલ કોલેજના ગાયનેક વિભાગનો દેવકિશન નામનો વિદ્યાર્થી ગુમ થઈ ગયો છે. મળતી માહિતી પ્રમાણે વિદ્યાર્થીની યુનિવર્સિટીની લેખિત પરિક્ષામાં પાસ થઈ ગયો હતો.
પરંતુ પ્રેક્ટિકલ પરીક્ષામાં તેને નાપાસ કરવામાં આવતા તે ડિપ્રેશનમાં આવી ગયા હતો. જે બાદ અચાનક હોસ્ટેલ રુમમાંથી તે ગુમ થઈ ગયો છે. જોકે દેવકિશને ગુમ થતાં પહેલા પરિવારના નામે ચિઠ્ઠી પણ લખીને હોસ્ટિલના રૂમમાં છોડી હતી.
આ ચિઠ્ઠીમાં મેનેજમેન્ટના ત્રાસ બાબતે અનેક વિગતો તેણે લખી છે. જોકે આ રીતે અચાનક દેવ કિશન એકાએક ગુમ થતાં વાલી અને વિદ્યાર્થીઓમાં રોષ જોવા મળી રહ્યો છે.
ગાયનેક ડીને ખોટી રીતે વિદ્યાર્થીઓને હેરાન કરવાનો આક્ષેપ પણ કર્યો છે. ત્યારે હવે આ મામલે મેનેજમેન્ટ સાથે મુલાકાત કરવા વિદ્યાર્થીઓ એકઠા થયા છે.