અમદાવાદ / બેગમાં જ્ઞાન નહીં નશાનો 'ભાર': અમદાવાદમાં વિદ્યાર્થી પાસેથી ઈ-સિગારેટ ઝડપાઇ, ડ્રગ્સ હોવાની વાતથી DEOનો ઈનકાર

• અમદાવાદની પોદાર ઇન્ટરનેશનલ સ્કૂલની ઘટના
• વિદ્યાર્થીના બેગમાંથી મળી ઈ સિગારેટ, રોકડ રકમ
• બેગમાંથી ડ્રગ્સ મળ્યાની ચર્ચા, સ્કૂલનું મેનેજમેન્ટ મૌન

સમગ્ર રાજ્યમાં દિવસેને દિવસે નશાના રવાડે યુવાનો ચડતા હોય તેવું લાગી રહ્યું છે. સમગ્ર રાજ્યના વિવિધ વિસ્તારમાં ઈ સિગારેટની લતે યુવાનો સપડાતા હોય તેવું લાગી રહ્યું છે. નવરાત્રીના સમય દરમિયાન રાજકોટ અને સુરતના વિવિધ વિસ્તારમાં ઈ સિગારેટ ઝડપાઈની ઘટના સામે આવી હતી. ઈ સિગારેટના રવાડે યુવાન વધારે ચડી રહ્યા છે તેવું પણ માનવામાં આવે છે. ઈ સિગારેટ સાથે એક વિદ્યાર્થી ઝડપાયાની ઘટના સામે આવી છે.

વિદ્યાર્થી પાસેથી ઈ સિગારેટ ઝડપાઈ
અમદાવાદના પોદરા ઈન્ટરનેશનલ સ્કૂલની ઘટના સામે આવી છે. પોદરા ઈન્ટરેનેશનલ સ્કૂલમાં એક વિદ્યાર્થી રોકડ રકમ સાથે ઈ સિગારેટ સાથે ઝડપાયો છે. સ્કૂલમાં વિદ્યાર્થીના બેગમાંથી ઈ સિગારેટ અને રોકડ રકમ મળી આવી છે. ઈ સિગારેટ અને રોકડ રકમ મળવાની ઘટના પર પોદરા ઈન્ટરનેશનલ સ્કૂલનો મેનેજમેન્ટ અને સ્ટાફ મૌન છે. ઈ સિગારેટની સાથે અન્ય પણ નશીલો પદાર્થ મળ્યો હોવાની પણ ચર્ચા વહેતી થઈ છે. સમગ્ર ઘટનાને લઈ અત્યારે વિવિધ તર્કવિતર્ક ઉભા થઈ રહ્યો છે પણ સૌનું એવું માનવું છે સમગ્ર ઘટનાની અંદર સુધી તપાસ કરવામાં આવે તો કોઈ મોટી કડી પણ મળી શકે છે.

અન્ય નશીલો પદાર્થ પણ મળ્યાની ચર્ચા
પોદરા ઈન્ટરનેશનલ સ્કૂલમાં વિદ્યાર્થીના બેગમાથી ઈ સિગારેટ અને રોકડ રકમ મળી આવી છે. સમગ્ર ઘટનાને લઈ એવું પણ માનવામાં આવી રહ્યું છે કે ઈ સિગારેટ અને રોકડ રકમ તેમજ વિદ્યાર્થીની બેગમાંથી ડ્રગ્સ મળ્યાની પણ ચર્ચા વહેતી થઈ છે. પરંતું ડ્રગ્સ મામલે DEO અને પોદાર ઇન્ટરનેશનલ સ્કૂલનું મેનેજમેન્ટ ઇન્કાર કરી રહ્યું છે. વિદ્યાર્થીના બેગમાંથી મળેલી રોકડ રકમ કેટલી છે તે અંગે સ્કૂલનો સ્ટાફ અજી સુધી મૌન છે.