ચેતજો / CCTV: રાજકોટમાં ધોરણ 10ના વિદ્યાર્થીએ શાળામાં છરી કાઢી, કારણ સમાજ માટે લાલબત્તી સમાન

Rajkot School Video : રાજકોટની શાળામાં વિદ્યાર્થી છરી સાથે ઘૂસવાનો બનાવ સામે આવતા ચકચાર મચી ગઈ છે. વાસ્તવમાં રાજકોટમાં માતાપિતા માટે આ એક લાલબત્તી સમાન કિસ્સો કહી શકાય કે, એક વિદ્યાર્થી શાળાએ છરી લઈને પહોંચ્યો હતો. ન માત્ર આ વિદ્યાર્થી શાળામાં છરી લઈ ગયો પરંતુ તેણે શાળામાં એક વિદ્યાર્થીને છરી બતાવી જાણે તેણે મારતો હોય તેવી રીતે છરી બતાવી હતી. આ સમગ્ર ઘટનાના CCTV પણ સામે આવ્યા છે.

રાજકોટના રેલનગર વિસ્તારમાં આવેલી શાળામાં એક ચોંકાવનારી અને વાલીઓ માટે ચેતવણીરૂપ ઘટના બની છે. વિગતો મુજબ અહીં ધોરણ 10નો એક વિદ્યાર્થી શાળામાં છરી લઈ પહોંચ્યો હતો. જ્યાં તેણે અન્ય એક વિદ્યાર્થીને છરી બતાવી અને જાણે તેની પર હુમલો કરતો હોય તે રીતે જોવા મળ્યો હતો.

વધુ વાંચો : સગીરાને નશો કરાવી હવસ સંતોષવા તૂટી પડ્યા, ઉતાર્યા વીડિયો, અમદાવાદમાં દુષ્કર્મનો આંખ ઉઘાડતો કિસ્સો

જોકે ધોરણ 10નો વિદ્યાર્થી શાળાએ કઈ રીતે છરી લઈને આવ્યો તેને લઈને સવાલ ઊભા થઈ રહ્યા છે. આ તરફ છરી મારવાની આ સમગ્ર ઘટના CCTV કેમેરામાં પણ કેદ થઈ છે. આ સાથે વિદ્યાર્થી શિક્ષકને મારવા માટે છરી લઈને આવ્યો હોવાની ચર્ચાએ પણ જોર પકડ્યું છે. આ તરફ હાલ તો આ મામલે પોલીસે તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ