સફાઈ ટિપ્સ / ઘરની લાદી પર પડી ગયા છે સિલિન્ડરના જિદ્દી ડાઘ, આ હોમમેડ ક્લીનર ગણતરીની સેકન્ડમાં કરી દેશે ચકાચક

આપણા રસોડામાં જ્યાં આપણે ગેસ સિલિન્ડર રાખીએ ત્યાં ફ્લોર પર કાટ જેવા ડાઘ દેખાય છે. જ્યારે તેને ખસેડવામાં આવે ત્યારે પણ તેના સ્ટેન્ડમાંથી કાટવાળા ડાઘ ટાઇલ્સ પર વિવિધ જગ્યા ચોંટે છે. તેની પર  પોતું લગાવવાથી પણ તે ડાઘ જતો નથી. આ જિદ્દી ડાઘને કારણે રસોડાની સુંદરતા ઘટી જાય છે. માર્કેટમાં તેને હટાવવા ઘણા પ્રકારની પ્રોડક્ટ ઉપલબ્ધ છે, પરંતુ તેમાં સામેલ રસાયણો હાથની ત્વચા અને ફ્લોર બંનેને નુકસાન પહોંચાડે છે. જેથી અમે તમને જણાવીશું કે, ઘરે કેવી રીતે તેનું ક્લીનર બનાવી શકાય છે.

• હોમમેઇડ ક્લીનર બનાવવાની સામગ્રી

- 2 ચમચી બેકિંગ સોડા
- 1 ચમચી લીંબુનો રસ
- 1 ચમચી વાઈટ વિનેગર
- 1/2 કપ ગરમ પાણી

• આ રીતે બનાવો સોલ્યુશન

સૌ પહેલા એક બાઉલમાં 2 ચમચી બેકિંગ સોડા નાખો. હવે તેમાં એક ચમચી લીંબુનો રસ અને એક ચમચી વ્હાઈટ વિનેગર ઉમેરો. ત્યાર બાદ તે મિશ્રણ થોડું ફીણવાળું થઈ જશે. હવે તેમાં ગરમ પાણી ઉમેરીને બરાબર મિક્ષ કરી લો.

વધુ વાંચો : વિટામિન Dની ઊણપ શરીરમાં સર્જી શકે છે અનેક સમસ્યા, આ કારણો હોઇ શકે છે જવાબદાર

બાદમાં તેને એક સ્પ્રે બોટલમાં રાખી લો અને તેને સારી રીતે મિક્સ કરો. જ્યાં ખરાબ નિશાનો પડ્યા હોય તે જગ્યાએ સારી રીતે સ્પ્રે કરો અને તેને 10-15 મિનિટ માટે નિશાનો પર રહેવા દો. સ્ક્રબર અથવા જૂના બ્રશની મદદથી ધીમે ધીમે ડાઘને ઘસો. જેનાથી તમારો ફ્લોર એકદમ સાફ થઈ રહ્યો છે. બાદમાં તેને સ્વચ્છ પાણીથી ધોઈ લો અને સૂકા કપડાથી સાફ કરી લો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ