સંઘર્ષ / એક સમયે 200 રૂ. માટે રમતો હતો ક્રિકેટ, આજે ભારત માટે ટેસ્ટ મૅચ રમવા ઉતરશે મેદાનમાં

• કરનાલમાં 200 રૂ. માટે રમતો હતો ક્રિકેટ 
• ગૌતમ ગંભીરે કર્યો સપોર્ટ 
• ભારત માટે કરશે ટેસ્ટ મૅચમાં ડેબ્યુ

Congratulations @navdeepsaini96. He realises his dream of playing Test cricket for #TeamIndia today. A proud holder of 🧢 299 and he receives it from @Jaspritbumrah93. #AUSvIND pic.twitter.com/zxa5LGJEen

— BCCI (@BCCI) January 6, 2021

299મો ખેલાડી 
28 વર્ષનો આ બૉલર સતત 140 કિમી પ્રતિ કલાકની રફ્તારથી બૉલ ફેંકવાની ક્ષમતા ધરાવે છે. નવદીપ ભારત માટે ટી-20 અને વન ડે ઇન્ટરનેશનલમાં પહેલા જ ડેબ્યુ કરી ચૂક્યો છે, નવદીપ સૈનીએ ભારત માટે 9 ટી-20 ઇન્ટરનેશનલ મૅચમાં 13 જ્યારે 7 વન ડે ઇન્ટરનેશનલમાં 6 વિકેટ પોતાના નામે કરી છે. 

મૅચ રમવાના 200 રૂપિયા મળતા હતા
રણજી ટ્રોફીમાં નવદીપ સૈની દિલ્હી માટે રમી રહ્યા છે, જો કે તે હરિયાણાના કરનાલથી છે. ખૂબ ઓછા લોકો જાણે છે કે નવદીપને કરનાલમાં લોકલ ટુર્નામેન્ટ રમવા માટે 200 રૂપિયા પર મૅચ આપવામાં આવતા હતા. મહત્વની વાત તે છે કે 2013 સુધી સૈની લેધર નહી પરંતુ ટેનિસ બૉલથી ક્રિકેટ રમતા હતા. 

કરનાલ પ્રિમીયર લીગમાં દિલ્હીના પૂર્વ બૉલર સુમિત નરવાલે નવદીપની બૉલિંગ જોઇ અને ઘણા જ પ્રભાવિત થયા હતા. જે બાદ સૈનીને દિલ્હી બોલાવવામાં આવ્યો. દિલ્હીમાં તેણે ગૌતમ ગંભીરને નેટ પ્રેક્ટિસ કરાવી હતી. 

ગૌતમ થયો ખુશ
ગૌતમ તેની બૉલિંગ જોઇને દંગ રહી ગયો અને તેને રોજ આવવા માટે કહ્યું. નવદીપ માટે આ ખૂબ મોટી સફળતા હતા. ગૌતમે તેને સપોર્ટ કર્યો અને દિલ્હી રણજી ટીમમાં તેને સિલેક્ટ કર્યો. 2013-14ની ટીમમાં તેમનું દિલ્હી ટીમમાં સિલેક્શન થયું, જે બાદ તેણે પાછળ વળીને ક્યારેય જોયુ નથી. 

સૈનીનો રેકોર્ડ
સૈનીએ 46 ફર્સ્ટ ક્લાસ મૅચમાં 128 વિકેટ લીધી. તે દરમિયાન બેસ્ટ બૉલિંગ પ્રદર્શન 32 રન આપીને 6 વિકેટનું રહ્યું હતું. 2018માં અફગાનિસ્તાન વિરુદ્ધ એક માત્ર ટેસ્ટ માટે પહેલી વાર ટીમના ટેસ્ટ સ્ક્વોડમાં સામેલ કરવામાં આવ્યો તો ગંભીરને પોતાનો મેન્ટર જણાવીને તેની તારીફ કરી હતી. 

ગંભીર વિશે વાત કરતા ભાવૂક
સૈનીએ કહ્યું હું જ્યારે પણ ગંભીર વિશે વાત કરુ છુ તો ખુબ જ ભાવુક થઇ જાઉ છું, જ્યારે મે દિલ્હીમાં હતો ત્યારે તેમણે કહ્યું હતું કે તું આવી જ પ્રેક્ટિસ કર તો જલ્દી જ ભારત માટે પણ રમીશ. આઇપીએલમાં નવદીપ રૉયલ ચેલેન્જર્સ બેંગ્લોર માટે રમે છે.